Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: కొత్తగూడెం

BHADRADRI

FFS తో మేము హ్యాపీగా లేము )…

భద్రాద్రి కొత్తగూడెం జిల్లా. సెప్టెంబర్ 4:(పున్నమి న్యూస్ )… ఎరువుల బుకింగ్ కోసం ప్రభుత్వం ప్రవేశపెట్టిన ఎఫ్‌ఎఫ్‌ఎస్‌ (FFS) యాప్‌ తమకు తీవ్ర ఇబ్బందులు కలిగిస్తోందని భద్రాద్రి కొత్తగూడెం జిల్లా లక్ష్మీదేవిపల్లి మండలం హేమచంద్రాపురం గ్రామ రైతులు ఆవేదన వ్యక్తం చేశారు. యాప్ ద్వారా ఎరువులు బుక్ చేసుకునే విధానం తమకు అనుకూలంగా లేదని వాపోయారు. హేమచంద్రాపురం రైతులు బైకాని రామ్మూర్తి, తరాల శ్రీను, కుందూరు గోపాల్‌రెడ్డి, గోలి శ్రీను, రాజబోయిన వెంకటేశ్వర్లు మాట్లాడుతూ.. తమ భూములు 1/70 చట్టం పరిధిలో ఉండటంతో భూములు కొనుగోలు చేసినప్పటికీ రికార్డుల్లో, పహాణిలో పేర్లు మారడం లేదని తెలిపారు. దీంతో ఎఫ్‌ఎఫ్‌ఎస్‌ యాప్‌లో ఎరువులు బుక్ చేసుకునే సమయంలో సమస్యలు ఎదురవుతున్నాయని చెప్పారు. ‘‘మా దగ్గర స్మార్ట్‌ఫోన్లు లేవు.. చిన్న ఫోన్లతో ఆన్‌లైన్‌లో ఎరువులు ఎలా బుక్ చేసుకోవాలి?’’ అని ప్రశ్నించారు. దుకాణాల్లో బుకింగ్ చేయించుకునే ప్రయత్నం చేసినా కొద్ది సమయంలోనే స్టాక్ లేదని చెబుతున్నారని ఆవేదన వ్యక్తం చేశారు. ఎరువులు బుక్ చేసుకున్న తర్వాత ఎక్కడ, ఎప్పుడు అందిస్తారో కూడా స్పష్టత ఉండటం లేదన్నారు. మరోవైపు ఎరువులు, వ్యవసాయ మందుల ధరలు పెరగడంతో సాగు ఖర్చులు మరింత భారంగా మారాయని రైతులు తెలిపారు. మందుల కట్ట ధరలు రూ.600 నుంచి రూ.700, రూ.800 వరకు పెరిగాయని చెప్పారు. విత్తనాలు సైతం సకాలంలో అందుబాటులో ఉండటం లేదని, పండించిన పంటలకు గిట్టుబాటు ధర లభించడం లేదని ఆవేదన వ్యక్తం చేశారు. ‘‘ప్రభుత్వాలు కొత్త కొత్త యాప్‌లు తీసుకొస్తూ రైతులు సంతోషంగా ఉన్నారని చెబుతున్నాయి కానీ మేము మాత్రం సంతోషంగా లేం’’ అని రైతులు పేర్కొన్నారు. అప్పులు చేసి సాగు చేస్తున్న తమపై అదనపు భారం పడుతోందని తెలిపారు. స్మార్ట్‌ఫోన్లు లేని రైతులు, పహాణిలో పేర్లు నమోదు కాని భూ యజమానులకు ప్రత్యామ్నాయ విధానం కల్పించాలని, గతంలో మాదిరిగా దుకాణాల ద్వారా ఎరువులు సులభంగా అందేలా ప్రభుత్వం చర్యలు తీసుకోవాలని హేమచంద్రాపురం రైతులు కేంద్ర, రాష్ట్ర ప్రభుత్వాలను కోరారు.

BHADRADRI

భద్రాచలం రైల్వే ప్రాజెక్ట్ కి కేంద్ర గ్రీన్ సిగ్నల్ )

భద్రాద్రి కొత్తగూడెం :సెప్టెంబర్ 3:(పున్నమి ప్రతినిధి ): భద్రాచలం శ్రీ సీతారామచంద్ర స్వామి ఆలయానికి రైలు ప్రయాణాన్ని సులభతరం చేసే ప్రాజెక్ట్ కి కేంద్రం ఆమోదం తెలిపింది.పాండురంగాపురం నుండిమల్కాంగిరి వరకు 173కిలోమీటర్ల రైల్వే మార్గాన్ని 2900కోట్లతో నిర్మించ నున్నారు.2032 నాటికీ పూర్తి చెయ్యాలని లక్ష్యంగా పెట్టుకున్నారు.ఈ మార్గంలో 132కొత్త రైల్వేస్టేషన్ లు నిర్మించనున్నారు.దీంతో భక్తులు నేరుగా భద్రాచలం చేరుకునే అవకాశం వుందిమొత్తం పొడవు 173.6కిలోమీటర్లు. అంచనా వ్యయం దాదాపు 2864కోట్లు.ఈ ప్రాజెక్ట్ ని 5ఏళ్లలో పూర్తిచేయ్యాలని లక్ష్యం గ పెట్టుకున్నారు.రైళ్ళ వేగo ఈ మార్గం లొ గంటకు 160 కిలో మీటర్ల వేగం తో ప్రయాణిస్తాయి.పాండురంగాపురం నుండి ప్రారంభమై ఒడిశా లోని మల్కాంగిరి వరకు కలపబడుతుంది.పాండురంగ పురం నుండి బయలుదేరి గోదావరి కొత్తవంతెన మీద నుండిభద్రాచలం చేరుకుంటుంది.అక్కడినుండి ఆంధ్రప్రదేశ్ లోని అల్లూరి జిల్లా మీదుగా ఒడిశా లోని మల్కాంగిరి వరకు చేరుకుంటుంది.

BHADRADRI

కొత్తగూడెం విమానాశ్రయo కలకి రెక్కలు )

కొత్తగూడెం జిల్లా :సెప్టెంబర్ 1:(పున్నమి ప్రతినిధి ):: సెప్టెంబరు 7న క్షేత్రస్థాయి పరిశీలనకు కేంద్ర సాంకేతిక బృందం •నాలుగైదు ప్రత్యామ్నాయ స్థలాలపై లోతైన అధ్యయనం •నివేదిక అనుకూలిస్తే తక్షణణమే తదుపరి చర్యలు •కేంద్ర మంత్రి రామ్మోహన్ నాయుడు హామీ న్యూఢిల్లీ: భద్రాద్రి కొత్తగూడెం జిల్లా ప్రజల దశాబ్దాల కల సాకారం దిశగా మరో కీలక ముందడుగు పడింది. జిల్లాలో విమానాశ్రయం ఏర్పాటు కోసం అనువైన స్థలాన్ని గుర్తించే ప్రక్రియలో భాగంగా సెప్టెంబరు 7న కేంద్ర సాంకేతిక బృందం తెలంగాణలో పర్యటించనుంది. నాలుగు నుంచి ఐదు ప్రత్యామ్నాయ ప్రాంతాలను క్షేత్రస్థాయిలో పరిశీలించి, రన్‌వే నిర్మాణానికి అనుకూలత, భౌగోళిక పరిస్థితులు, వాతావరణం, భూసేకరణ తదితర అంశాలపై సమగ్రంగా అధ్యయనం చేయనుంది. ఈ మేరకు రాష్ట్ర వ్యవసాయ శాఖ మంత్రి తుమ్మల నాగేశ్వరరావు మంగళవారం న్యూఢిల్లీలో కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడును కలిసి కొత్తగూడెం విమానాశ్రయం ఏర్పాటుపై చర్చించారు. భద్రాద్రి కొత్తగూడెం జిల్లా ప్రజల చిరకాల ఆకాంక్షను, విమానాశ్రయం ఏర్పాటుతో జిల్లాకు కలిగే రవాణా, పారిశ్రామిక, పర్యాటక ప్రయోజనాలను కేంద్ర మంత్రికి వివరించారు. గత అడ్డంకులు.. కొత్త ఆశలు.. గతంలో గుర్తించిన రెండు ప్రాంతాలు సాంకేతిక కారణాలతో అనుకూలంగా లేవని తేలడంతో, రాష్ట్ర ప్రభుత్వం అధికారులతో సమన్వయం చేసుకుంటూ కొత్తగా నాలుగైదు ప్రత్యామ్నాయ స్థలాలను గుర్తించినట్లు మంత్రి తుమ్మల తెలిపారు. ఈ ప్రాంతాల్లో భూసేకరణ సౌలభ్యం, రన్‌వే నిర్మాణానికి అనువైన భూభాగం, వాతావరణ పరిస్థితులు వంటి కీలక అంశాలను నిపుణుల బృందం నిశితంగా అధ్యయనం చేయనుంది. ఢిల్లీ వేదికగా కీలక భేటీ.. ఈ పరిణామాలపై మంగళవారం న్యూఢిల్లీలో కీలక పరిణామం చోటుచేసుకుంది. రాష్ట్ర వ్యవసాయ శాఖ మంత్రి తుమ్మల నాగేశ్వరరావు, కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడును ప్రత్యేకంగా కలిశారు. ఈ సందర్భంగా భద్రాద్రి కొత్తగూడెం జిల్లా ప్రజల చిరకాల ఆకాంక్షను కేంద్ర మంత్రి దృష్టికి సవివరంగా తీసుకెళ్లారు. జిల్లా అభివృద్ధిలో విమానాశ్రయం పోషించే పాత్రను, స్థానికుల రవాణా అవసరాలను మంత్రి తుమ్మల వివరించగా, కేంద్ర మంత్రి సానుకూలంగా స్పందించారు. సాంకేతిక బృందం నివేదిక అనుకూలంగా వచ్చిన వెంటనే విమానాశ్రయం ఏర్పాటుకు తదుపరి చర్యలు చేపడతామని కేంద్ర మంత్రి రామ్మోహన్ నాయుడు హామీ ఇచ్చినట్లు మంత్రి తుమ్మల వెల్లడించారు. మైత్రి పునాదిగా విజ్ఞప్తి.. ఈ సందర్భంగా కేంద్ర మంత్రితో తనకున్న చిరకాల మైత్రిని కూడా మంత్రి తుమ్మల గుర్తుచేశారు. రామ్మోహన్ నాయుడు తండ్రి, దివంగత నేత ఎర్రన్నాయుడుతో తనకున్న అనుబంధాన్ని ప్రస్తావించారు. పుణ్యక్షేత్రం భద్రాచలం సీతారామచంద్రస్వామి దేవస్థానం ఉన్న ఈ ప్రాంత ఆధ్యాత్మిక, సాంస్కృతిక ప్రాధాన్యాన్ని, అలాగే జిల్లా ప్రజలకు విమానాశ్రయం వల్ల కలిగే ప్రయోజనాలను కేంద్ర మంత్రికి సవివరంగా వివరించారు. “భద్రాద్రి కొత్తగూడెం జిల్లా ప్రజల దీర్ఘకాల ఆకాంక్షను కేంద్ర మంత్రి దృష్టికి తీసుకెళ్లాను. నా విజ్ఞప్తికి సానుకూలంగా స్పందించి, వెంటనే కేంద్ర సాంకేతిక బృందాన్ని పంపేందుకు చర్యలు చేపట్టిన కేంద్ర మంత్రి శ్రీ రామ్మోహన్ నాయుడికి, కేంద్ర ప్రభుత్వానికి ధన్యవాదాలు” అని మంత్రి తుమ్మల నాగేశ్వరరావు తెలిపారు. మరో రెండు ప్రతిపాదనలపైనా కదలిక.. రాష్ట్రంలోని ఇతర విమానాశ్రయ ప్రతిపాదనలపైనా కేంద్రంతో చర్చలు కొనసాగుతున్నాయని మంత్రి తుమ్మల తెలిపారు. మామునూరు (వరంగల్), ఆదిలాబాద్ విమానాశ్రయాల అంశంపై సెప్టెంబరు 2న ముఖ్యమంత్రి ఎ. రేవంత్ రెడ్డి కేంద్ర ప్రభుత్వంతో చర్చించనున్నట్లు ఆయన వెల్లడించారు. దీన్నిబట్టి రాష్ట్రవ్యాప్తంగా విమానయాన మౌలిక సదుపాయాల విస్తరణపై సర్కారు ప్రత్యేక దృష్టి సారించినట్లు స్పష్టమవుతోంది. కేంద్ర సాంకేతిక బృందం నివేదిక సానుకూలంగా వస్తే.. భద్రాద్రి కొత్తగూడెం గగనతలంలో విమానం రెక్కలు విప్పే రోజు ఎంతో దూరంలో లేదన్న ఆశాభావం జిల్లావాసుల్లో వ్యక్తమవుతోంది.

BHADRADRI

బీజేపీ ఆధ్వర్యంలో రాస్తోరోకో )…

కొత్తగూడెం జిల్లా :సెప్టెంబర్ 1:(పున్నమి ప్రతినిధి ): బీజేపీ అధ్యక్షులు శ్రీ నేను. రామచందర్రావు గారి అక్రమ అరెస్ట్ ని నిరసిస్తూ కొత్తగూడెం పోస్ట్ ఆఫీస్ సెంటర్ లొ రాస్తోరోకో మరియు నిరసన కార్యక్రమం చెయ్యటం జరిగింది.అదే విధంగా బీజేపీ రాష్ట్ర కార్యాలయం మరియు నల్గొండ జిల్లా బీజేపీ కార్యాలయ పై దాడిని బీజేపీ నాయకులు తీవ్రంగా ఖండించారు.ఈ సందర్బంగా కొత్తగూడెం జిల్లా బీజేపీ అధ్యక్షులు బై రెడ్డి ప్రభాకర్ రెడ్డి గారు మాట్లాడుతూ ప్రజాస్వామ్యంలో ప్రతి పక్ష నాయకులను అరెస్ట్ చెయ్యటం రాజకీయ పార్టీ ల కార్యాలయాలపై దాడులకి పాల్పడటం ప్రజాస్వామ్య విలువలకి విరుద్ధం అని అన్నారు.రాబోయే రోజుల్లో ప్రజాస్వామ్య పద్ధతిలోనే తగిన సమాధానం చెబుతామని తీవ్రంగా హెచ్చరించారు.ఈ నిరసన కార్యక్రమం లొ జిల్లా అధ్యక్షులు బై రెడ్డి ప్రభాకర్ రెడ్డి గారు, ప్రధాన కార్యదర్శి జాటోత్ వెంకన్న గారు,నాలుగో డివిజన్ కార్పొరేటర్ మరియు జిల్లా ఉపాధ్యక్షురాలు చెరుకు భాగ్యలక్ష్మి గారు,చుంచుపల్లి మండల అధ్యక్షులు బలగం శ్రీధర్ గారు,లక్ష్మి దేవిపల్లి మండల అధ్యక్షులు నవీన్ గారు,యువమోర్చ జిల్లా అధ్యక్షులు మోహనకృష్ణ గారు,మహిళ మోర్చా అధ్యక్షురాలు సముద్రాల గాయత్రి గారు,యువమోర్చ జిల్లా ఉపాధ్యక్షులు పొదిల శ్రీనివాస్ గారు, యువమోర్చ జిల్లా ప్రధాన కార్యదర్శి కోలా హరీష్ గారు, sc మోర్చా జిల్లా అధ్యక్షులు రాకేష్ గారు,తదితర మోర్చాలా నాయకులు ఉపాధ్యక్షులు కార్యకర్తలు పాల్గొన్నారు…

BHADRADRI

ఆదివాసీ బిడ్డ మృతికి కొవ్వొత్తుల ర్యాలీ )…

కొత్తగూడెం జిల్లా :సెప్టెంబర్ 1:(పున్నమి ప్రతినిధి ):: ములకలపల్లి మండలం చవిటిగూడెం గ్రామ ఆదివాసీ బిడ్డ శిరీష మృతికి కారకులను కఠినంగా శిక్షించాలని బూర్గంప‌హాడ్‌ మండల పరిధిలోని పోలవరం గ్రామానికి చెందిన ఆదివాసీలు ప్రభుత్వాన్ని కోరారు. సోమవారం రాత్రి శిరీష మృతికి సంతాపంగా మాజీ జడ్పీటీసీ బట్టా విజయ్ంధీ ఆధ్వర్యంలో కొవ్వొత్తులతో నిరసన తెలిపారు. హైదరాబాద్‌లో ఓ ప్రముఖ ఆస్ప‌త్రిలో వైద్య సహాయకురాలిగా నిరంతరం సేవలందించే నర్సు శిరీషను హత్య చేసిన వారిని వదలొద్దని, ఈ కేసుపై సమగ్ర దర్యాప్తు జరిపించి కారకులకు కఠినశిక్ష పడేలా చూడాలని ప్రభుత్వాన్ని కోరారు. శిరీష పవిత్ర ఆత్మకు శాంతి చేకూరాలని ప్రగాఢ సంతాపం వ్యక్తం చేశారు.

BHADRADRI

సింగరేణి ఉద్యోగికి పదవి విరమణ సన్మాన కార్యక్రమం

భద్రాద్రి కొత్తగూడెం :ఆగష్టు 31:(ప్రతినిధి ): శ్రీ కోలా. గురుమూర్తి గారు సింగరేణి సంస్థలో 43సంవత్సరాలు గ సుధీర్ఘ సేవను అందించి నేడు పదవి విరమణ చేయటం ఎంతో గర్వకారణం గ ఉంది అని తోటి ఉద్యోగులతో కలిసి పనిచేసిన అనుభవాలని గుర్తుచేసుకుంటూ నేడు 31-08-2026న ఆయన ఉద్యోగ జీవితాన్ని ముగించారు,ఈ 43సంవత్సరాల కాలంలో ఎన్నో వోడి దుడుకులు ఎదుర్కొని, కుటుంబ బాధ్యతలని నిర్వర్తిస్తూ తన వృత్తిపట్ల నిజాయితీగ, నిబద్ధతతో సేవలంధించిన కోలా గురుమూర్తి గారి ప్రయాణం ఎప్పటుకి స్ఫూర్తిదాయకం.అటువంటి గురుమూర్తి గారికి నేడు పదవి విరమణ సందర్బసంగా ఘనంగా సన్మానించటం జరిగింది.

BHADRADRI

కొత్తగూడెం లో ఆగష్టు 31న “ప్రజావాణి” అర్జీల స్వీకరణ)

భద్రాద్రి కొత్తగూడెం :ఆగష్టు 31:(పున్నమి ప్రతినిధి ):: ఆగస్టు 31 వ తేదీ, సోమవారం కలెక్టరేట్‌లో నిర్వహించనున్న ప్రజావాణి కార్యక్రమానికి అన్ని శాఖల జిల్లా అధికారులు ఉదయం 10గంటలకు హాజరుకావాలని జిల్లా కలెక్టర్ అంకిత్ తెలిపారు. ప్రజలు తమ తమ సమస్యలకు సంబంధించిన అంశాలపై లిఖితపూర్వక ఫిర్యాదులను సమర్పించాలని సూచించారు. ఉదయం 10.30 గంటలకు ప్రజావాణి కార్యక్రమం ప్రారంభమవుతుందని జిల్లా కలెక్టర్ పేర్కొన్నారు. సంబంధిత శాఖాధికారులు ప్రజల నుండి అందిన ఫిర్యాదులను వెంటనే స్వీకరించి, తగిన చర్యలు తీసుకునేలా చర్యలు చేపట్టాలని ఆదేశించారు. అదేవిధంగా జిల్లా ప్రజల సౌకర్యార్థం భద్రాచలం, సబ్ కలెక్టర్ కార్యాలయంలో, కొత్తగూడెం ఆర్డీవోకార్యాలయంలో,జిల్లాలోని అన్నీ మండల పరిషత్ కార్యాలయాలలో ప్రజావాణి నిర్వహించబడుతుందని తెలిపారు.కావున ప్రజలు ఈ అవకాశాన్నివినియోగించుకోవాలని జిల్లా కలెక్టర్ ఒక ప్రకటనలో ఆదివారం కోరారు.

BHADRADRI

కొత్తగూడెం లొ 2వ దశ sir ప్రక్రియ ప్రారంభం

కొత్తగూడెం జిల్లా :ఆగష్టు 28:(పున్నమి ప్రతినిధి ):: భద్రాద్రి కొత్తగూడెం జిల్లా కొత్తగూడెం టౌన్ 29వ డివిజన్ లొ sir 2వ దశ కార్యక్రమం ప్రారంభమైంది.ఈ కార్యక్రమం లొ బీజేపీ కార్మిక సెల్ కో కన్వినర్ మరియు బూత్ ఇంచార్జి సబ్బానీ రాజేష్ పాల్గొని బూత్ స్థాయి అధికారులతో ఓటర్ల జాభితాని పరిశీలించారు.జాబితాలో నమోదైన వివరాలు కొత్తగా అర్హత పొందిన వారి పేర్లు నమోదు, మరణించిన వారి పేర్లు తొలగింపు, చిరునామా మార్పులు,ఇతర వివరాలో తప్పులు సవరణ వంటి అంశాలని పరిశీలించారు.అర్హత కలిగిన ప్రతి ఒక్కరి పేరు ఓటర్ల జాబితాలో ఉండేలా చూడాలని రాజేష్ సూచించారు.అదే విధంగా అనర్హుల పేర్లు ఓకే వ్యక్తికి ఒకటి కంటే అనేక చోట్ల ఓటు ఉంటే వాటిని అధికారుల దృష్టికి తీసుకెళ్లి తొలగించేవిధంగా చర్యలు తీసుకోవాలని కోరారు.ప్రజలు కూడా తమ ఓటు వివరాలని పరిశీలించుకుని ఏమైన తప్పులు ఉంటే సంబంధిత అధికారులకి తెలియచేయాలనీ కోరారు.ఈ కార్యక్రమంలో భూత్ స్థాయి అధికారులు పాల్గొన్నారు.

BHADRADRI

ప్రముఖ యోగ గురువుకి జాతీయ నాయకులు అభినందన

కొత్తగూడెం జిల్లా :ఆగష్టు 27:(పున్నమి ప్రతినిధి ): కొత్తగూడెం జిల్లా వాసి అయ్యిన స్థానిక కొత్తగూడెం వాస్తవ్యులు పట్టణ ప్రముఖ యోగ గురువు గుమ్ములాపురం సత్యనారాయణ గారికి ఇంటర్నేషనల్ యోగ డే సందర్బంగా బెంగుళూరు వారు నిర్వహించినయోగా ఛాంపియన్ షిప్ పోటీలో యోగ క్రీడాకారులగా ప్రధమ స్థానం అదేవిధంగా అనేక యోగ పోటీలకు విద్యార్థులని యోగ ఛాంపియన్ షిప్ పోటీలకి ప్రోత్సహించి పోటీలో పాల్గొనేటట్టు చేసినందుకు గాను బెంగుళూర్ వారు ది బెస్ట్ యోగ టీచర్ అవార్డు అందచేసినారు.అదేవిధంగా జాతీయ స్థాయి లొ యోగ ఛాంపియన్షిప్ప్ర ధమ స్థానం, బెస్ట్ యోగ టీచర్ గాను సౌత్ ఇండియా నుండి జరిగిన చెన్నై పోటీలయందు ప్రధమ స్థానం పొందినందుకు గాను మన కొత్తగూడెం విచ్చేసిన జాతీయ st కమిషన్ సభ్యులు జాటోత్ హుస్సేన్ నాయక్ గారు అభినందనలు తెలియచేస్తూ ఆరోగ్యం కోసం అందరు తప్పనిసరిగా యోగ చెయ్యాలని కోరారు.

BHADRADRI

కొత్తగూడెం జిల్లా లేబర్ సెల్ co కన్వీనర్ గ సీనియర్ బీజేపీ నాయకులు సబ్బానీ రాజేష్ నియామకం

కొత్తగూడెం జిల్లా :ఆగష్టు 24(పున్నమి ప్రతినిధి ):: సమగ్ర, సమీక్ష సీనియర్ నాయకుల సలహాల మేరకు భారతీయ జనతా పార్టీ కార్మిక విభాగం రాష్ట్ర కన్వీనర్ శ్రీ అందె శ్రీరాములు గారి ఆధ్వర్యంలో భద్రాద్రి కొత్తగూడెం జిల్లా లేబర్ సెల్ కో కన్వినర్ గ జిల్లాలో సీనియర్ నాయకులు అయ్యిన సబ్బానీ రాజేష్ గారిని నియమించటం జరిగింది.ఈ సందర్బంగా రాజేష్ గారు మాట్లాడుతూ నాకు ఇచ్చిన ఈ బాధ్యతని అంకిత భావంతో కార్మికుల సంక్షేమనికి సంస్థ బలోపేతానికి కృషిచేస్తానని పేర్కొన్నారు.ఈ నియామక ఉత్తర్వులు తక్షణమే అమలు లోకి వస్తుంది కావున పార్టీ నాయకులు, ప్రజా ప్రతినిధులు కార్యకర్తలు పదా ధికారులు నియామకాన్ని గుర్తించి వారికీ పూర్తి సహకారం అందించవలసిందిగా కోరుచున్నారు..