Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: పొలిటికల్

ఖమ్మం

హర్ ఘర్ తిరంగా ర్యాలీని విజయవంతం చేయండి

ఖమ్మం ఆగష్టు 12 (పున్నమి ప్రతినిధి) హర్ ఘర్ తిరంగా అభియాన్‌లో భాగంగా ఈ నెల 13వ తేదీ గురువారం నిర్వహించనున్న తిరంగా ర్యాలీని విజయవంతం చేయాలని బీజేపీ జిల్లా కార్యదర్శి శ్రీరామనేని మణి పిలుపునిచ్చారు. ఉదయం 10 గంటలకు ఖమ్మం పేవిలియన్ గ్రౌండ్ నుంచి ర్యాలీ ప్రారంభమై జిల్లా పరిషత్ కార్యాలయం సమీపంలోని డాక్టర్ బీఆర్ అంబేద్కర్ విగ్రహం వరకు కొనసాగుతుందని తెలిపారు. దేశభక్తి, జాతీయ ఐక్యతను చాటే ఈ కార్యక్రమంలో బీజేపీ నాయకులు, కార్యకర్తలు, ప్రజలు అధిక సంఖ్యలో పాల్గొని విజయవంతం చేయాలని ఆయన కోరారు.

ఖమ్మం

పెండింగ్‌ CMR ప్రక్రియను వెంటనే పూర్తి చేయాలి మిల్లింగ్‌ ప్రక్రియలో పారదర్శకత తీసుకురావాలి: బీజేపీ కిసాన్ మోర్చా

ఖమ్మం, ఆగస్టు 12: రైతుల నుంచి ప్రభుత్వం సేకరించిన ధాన్యాన్ని మిల్లింగ్‌ చేసి Custom Milled Rice (CMR)గా భారత ఆహార సంస్థ (FCI)కి సకాలంలో సరఫరా చేయడంలో జరుగుతున్న జాప్యాన్ని నివారించాలని బీజేపీ కిసాన్ మోర్చా ఖమ్మం జిల్లా అధ్యక్షులు నరుకుల్ల వెంకటేశ్వరరావు డిమాండ్‌ చేశారు. CMR సరఫరాలో జాప్యం వల్ల రైతులతో పాటు ప్రభుత్వంపై అదనపు ఆర్థిక భారం పడుతోందని పేర్కొన్నారు. గత మూడు సంవత్సరాల్లో సరఫరా చేసిన CMR, మిల్లింగ్‌లో ఉన్నది, పెండింగ్‌లో ఉన్నది వంటి పూర్తి వివరాలను ప్రజలకు వెల్లడించాలని కోరారు. పెండింగ్‌ CMRను యుద్ధప్రాతిపదికన పూర్తి చేసి, మిల్లింగ్‌, రవాణా, నిల్వలోని ఆటంకాలను తొలగించాలని అన్నారు. జిల్లాల వారీగా CMR పురోగతి వివరాలను ప్రజలకు అందుబాటులో ఉంచాలని, జాప్యం కారణంగా ప్రభుత్వంపై పడుతున్న అదనపు ఆర్థిక భారంపై శ్వేతపత్రం విడుదల చేయాలని డిమాండ్‌ చేశారు. ఈ మేరకు సీనియర్‌ నాయకులు మందడపు సుబ్బారావు ఆధ్వర్యంలో జిల్లా కలెక్టర్‌కు వినతిపత్రం సమర్పించారు. అన్నారుగూడెం క్లస్టర్‌కు శాశ్వత AEOను నియమించాలి అన్నారుగూడెం క్లస్టర్‌లో శాశ్వత వ్యవసాయ విస్తరణ అధికారి (AEO) లేక రైతులు విత్తనాలు, ఎరువులు, పంటల సాగు, ప్రభుత్వ పథకాలు, సాంకేతిక సూచనల విషయంలో ఇబ్బందులు పడుతున్నారని వెంకటేశ్వరరావు తెలిపారు. వెంటనే పూర్తి స్థాయి AEOను నియమించి రైతులకు వ్యవసాయ శాఖ సేవలు సకాలంలో అందేలా చర్యలు తీసుకోవాలని కోరారు. రైతుల సమస్యల పరిష్కారమే కిసాన్ మోర్చా ప్రధాన లక్ష్యమని, రైతులకు న్యాయం జరిగే వరకు నిరంతరం పోరాటం చేస్తామని తెలిపారు. కార్యక్రమంలో జిల్లా కార్యదర్శి నాగమణి, ప్రధాన కార్యదర్శి ఆపతి వెంకట రామారావు, ఉపాధ్యక్షులు బెల్లం మురళి, బుర్రా శ్రీను, కార్యదర్శి కొమ్మినేని కృష్ణారావు, పెరిక కిరణ్, కొండ వెంకన్న, కోటి హనుమంతరావు, రవి, బొల్లారం బాబు, మీగడ గోపి తదితరులు పాల్గొన్నారు.

ఖమ్మం

రైతు సమస్యల తక్షణ పరిష్కారం కోరుతూ కలెక్టర్‌కు కిసాన్ మోర్చా వినతి..

ఖమ్మం ఆగష్టు 12 (పున్నమి ప్రతి నిధి) బీజేపీ కిసాన్ మోర్చా జిల్లా అధ్యక్షులు నరకుల్లా వెంకటేశ్వరరావు ఆధ్వర్యంలో రైతుల సమస్యల పరిష్కారం కోరుతూ ఖమ్మం కలెక్టర్‌కు మెమోరాండం అందజేశారు. రాష్ట్రంలోని కస్టమ్ మిల్లెడ్ రైస్‌కు సంబంధించిన సమాచారాన్ని ప్రజలకు అందుబాటులో ఉంచాలని, అన్నారుగూడెం క్లస్టర్‌కు వ్యవసాయ విస్తరణ అధికారిని నియమించాలని వారు కోరారు. ఈ కార్యక్రమంలో జిల్లా కిసాన్ మోర్చా జనరల్ సెక్రటరీ ఆపతి వెంకటరామారావు, సీనియర్ నాయకులు మందడపు సుబ్బారావు, ఉపాధ్యక్షులు బుర్రా శ్రీను, బెల్లం మురళి, కృష్ణారావు, మీగడ గోపి, బోళ్ల రాంబాబు, కిసాన్ మోర్చా నాయకులు పాల్గొన్నారు.

ఖమ్మం

కళాశాలల్లో ఏబీవీపీ సభ్యత్వ నమోదు

ఖమ్మం ఆగష్టు 11 (పున్నమి న్యూస్) అఖిల భారతీయ విద్యార్థి పరిషత్ (ఏబీవీపీ) ఖమ్మం నగర శాఖ ఆధ్వర్యంలో మంగళవారం నగరంలోని పలు కళాశాలల్లో సభ్యత్వ నమోదు కార్యక్రమాన్ని నిర్వహించారు. ఈ సందర్భంగా విద్యార్థులు పెద్ద సంఖ్యలో పాల్గొని ఏబీవీపీ సభ్యత్వాన్ని స్వీకరించారు. విద్యార్థుల సమస్యల పరిష్కారం, విద్యారంగ అభివృద్ధి, దేశభక్తి, సామాజిక బాధ్యత వంటి అంశాలపై విద్యార్థుల్లో అవగాహన కల్పించేందుకు ఏబీవీపీ నిరంతరం కృషి చేస్తుందని నిర్వాహకులు తెలిపారు. కార్యక్రమంలో ఏబీవీపీ నాయకులు, కార్యకర్తలు, విద్యార్థులు పాల్గొన్నారు.

ఖమ్మం

పాస్‌బుక్ లేని రైతులకూ ఎరువులు అందించాలి: బి. కె యస్.

ఖమ్మం ఆగష్టు 11 (పున్నమి ప్రతినిధి) ఖమ్మం: పట్టా పాస్‌బుక్కులు లేని రైతులకు ఎరువులు అందించేందుకు ప్రత్యామ్నాయ మార్గాలు అన్వేషించాలని భారతీయ కిసాన్ సంఘ్ (BKS) ఖమ్మం జిల్లా అధ్యక్షులు పగడవరపు శ్రీనివాసరావు కోరారు. ఈ మేరకు జిల్లా వ్యవసాయ శాఖ అధికారి శ్రీ పుల్లయ్యను కలిసి రైతుల సమస్యపై చర్చించారు. గతంలో పాస్‌బుక్కులు లేని రైతులు యూరియా కోసం ఎదుర్కొన్న ఇబ్బందులను ప్రభుత్వం దృష్టికి తీసుకెళ్లినట్లు తెలిపారు. రైతులకు అన్యాయం జరగకుండా జిల్లా కలెక్టర్‌తో మరోసారి చర్చించి చర్యలు తీసుకుంటామని శ్రీ పుల్లయ్య హామీ ఇచ్చారు. అర్హులైన ప్రతి రైతుకు అవసరమైన ఎరువులు అందేలా ప్రభుత్వం తక్షణ చర్యలు తీసుకోవాలని శ్రీనివాసరావు కోరారు.

ఖమ్మం

సంగమేశ్వర స్వామి భూములపై సర్వే.. 120 ఎకరాలే గుర్తింపు

ఖమ్మం ఆగష్టు 11 (పున్నమి ప్రతి నిధి) ఖమ్మం రూరల్ మండలం తీర్థాల గ్రామంలోని శ్రీ సంగమేశ్వర స్వామి దేవాలయానికి చెందిన 150 ఎకరాల దేవాదాయ మాన్యం భూములు అన్యాక్రాంతమైనట్లు అధికారుల దృష్టికి రావడంతో మంగళవారం వరంగల్ ఎండోమెంట్ కమిషనరేట్ నుంచి వచ్చిన సర్వేయర్ సర్వే నిర్వహించారు. ప్రస్తుతం 120 ఎకరాలు మాత్రమే అందుబాటులో ఉన్నట్లు గుర్తించారు. గిరిజన రైతులకు సంబంధించిన భూములను సర్వే చేసి హద్దులు నిర్ణయించారు. ముస్లింలకు సంబంధించిన భూముల సర్వేకు వారు అభ్యంతరం వ్యక్తం చేసి సరిహద్దు రాళ్లు వేయకుండా అడ్డుకున్నట్లు తెలిపారు. ఈ కార్యక్రమంలో ఈవో వేణుగోపాలచార్యులు, ఆలయ ఇన్‌స్పెక్టర్ సమత, గుమస్తాలు, పోలీస్ సిబ్బంది, బీజేపీ మండల అధ్యక్షులు జాటోత్ మధు నాయక్, టీఆర్ఎస్ నాయకులు భూక్యా శంకర్, మాజీ సర్పంచ్ బాలు నాయక్, మలోత్ కిషన్ నాయక్ తదితరులు పాల్గొన్నారు.

ఖమ్మం

ఋగ్వేదం స్కూల్ కరెస్పాండెంట్ భాను ప్రకాష్ బీజేపీలో చేరిక

ఖమ్మం ఆగష్టు 11 (పున్నమి న్యూస్) ఖమ్మం నగరం లోని ఋగ్వేదం స్కూల్ కరెస్పాండెంట్ బొర్రా భాను ప్రకాష్ బీజేపీ పార్టీలో చేరారు. బీజేపీ ఖమ్మం జిల్లా అధ్యక్షులు నెల్లూరి కోటేశ్వరరావు ఆధ్వర్యంలో, ఓబీసీ మోర్చా ఖమ్మం జిల్లా అధ్యక్షులు రేఖ సత్యనారాయణ యాదవ్ సారథ్యంలో ఆయన పార్టీలో చేరిక కార్యక్రమం జరిగింది. ఈ సందర్భంగా పార్టీ నాయకులు భాను ప్రకాష్‌కు కండువా కప్పి పార్టీలోకి ఆహ్వానించారు. కార్యక్రమంలో బీజేపీ రాష్ట్ర కార్యవర్గ సభ్యులు గల్లా సత్యనారాయణ, బీజేపీ సీనియర్ నాయకులు వేల్పుల సుధాకర్,ధనియాకుల వెంకట్ నారాయణ అ నంత్ ఉపేందర్ గౌడ్‌తో పాటు పలువురు ముఖ్య నాయకులు పాల్గొన్నారు. పార్టీ బలోపేతానికి అందరూ కృషి చేయాలని నాయకులు పిలుపునిచ్చారు.