రంగారెడ్డి

వచ్చే ఎన్నికల్లో కార్పొరేటర్‌గా పోటీ చేస్తాం: డా. ఉక్కుల అశోక్, MLA గారు ఆదేశిస్తే కార్పొరేటర్ అభ్యర్థిగా బరిలోకి దిగుతా, ,గ్రేటర్‌లో గెలవబోయేది కాంగ్రెస్‌నే.. 46 నుంచి 48 డివిజన్లు గెలుస్తాం ,నా విజన్ చూసి మల్‌రెడ్డి రంగారెడ్డి హగ్ ఇచ్చారు.

పున్నమి: రంగారెడ్డి జిల్లా, ఇబ్రహీంపట్నం: రానున్న గ్రేటర్ హైదరాబాద్ ఎన్నికల్లో కాంగ్రెస్ పార్టీ విజయమే లక్ష్యంగా పనిచేస్తామని తెలంగాణ పీసీసీ ఎస్సీ విభాగం రాష్ట్ర ప్రధాన కార్యదర్శి డాక్టర్ ఉక్కుల అశోక్ అన్నారు. డిజిటల్ మీడియాతో నిర్వహించిన చిట్‌చాట్‌లో ఆయన పలు అంశాలపై తన అభిప్రాయాలను వెల్లడించారు. కాంగ్రెస్ పార్టీ అధిష్ఠానం, స్థానిక నాయకత్వం ఆదేశిస్తే రానున్న ఎన్నికల్లో కార్పొరేటర్ అభ్యర్థిగా పోటీ చేసేందుకు సిద్ధంగా ఉన్నానని డా. ఉక్కుల అశోక్ తెలిపారు. ముఖ్యంగా ఇబ్రహీంపట్నం నియోజకవర్గ అభివృద్ధి, ప్రజా సమస్యల పరిష్కారం, సామాజిక న్యాయం కోసం నిరంతరం పనిచేస్తున్నానని చెప్పారు. “MLA గారు ఆదేశిస్తే కార్పొరేటర్ అభ్యర్థిగా బరిలోకి దిగుతా. పదవుల కోసం కాకుండా ప్రజా సేవ కోసం రాజకీయాల్లో ఉన్నాను. ప్రజల సమస్యలను దగ్గరగా తెలుసుకుని, వాటి పరిష్కారానికి కృషి చేయడమే నా లక్ష్యం” అని ఆయన పేర్కొన్నారు. గ్రేటర్ హైదరాబాద్‌లో కాంగ్రెస్ పార్టీకి ప్రజల్లో ఆదరణ పెరుగుతోందని డా. ఉక్కుల అశోక్ అన్నారు. రానున్న ఎన్నికల్లో కాంగ్రెస్ పార్టీ 46 నుంచి 48 డివిజన్లలో విజయం సాధించే అవకాశం ఉందని ధీమా వ్యక్తం చేశారు. కాంగ్రెస్ ప్రభుత్వం చేపడుతున్న సంక్షేమ, అభివృద్ధి కార్యక్రమాలు ప్రజల్లో విశ్వాసాన్ని పెంచుతున్నాయని తెలిపారు. ఇబ్రహీంపట్నం నియోజకవర్గ అభివృద్ధిపై తన విజన్‌ను ఎమ్మెల్యే శ్రీ మల్‌రెడ్డి రంగారెడ్డి గారితో పంచుకున్న సందర్భాన్ని డా. ఉక్కుల అశోక్ గుర్తుచేశారు. తన విజన్‌ను విన్న ఎమ్మెల్యే గారు అభినందిస్తూ ఆత్మీయంగా హగ్ ఇచ్చారని తెలిపారు. ఇబ్రహీంపట్నం అభివృద్ధికి సమగ్ర విజన్‌తో ముందుకు సాగుతున్నాం. యువతకు అవకాశాలు, మౌలిక వసతుల అభివృద్ధి, సామాజిక న్యాయం, ప్రజలకు మెరుగైన సేవలు అందించడమే మా ప్రధాన లక్ష్యం. ఎమ్మెల్యే మల్‌రెడ్డి రంగారెడ్డి గారి నాయకత్వంలో నియోజకవర్గాన్ని మరింత అభివృద్ధి పథంలో నడిపించేందుకు కృషి చేస్తాం” అని డా. ఉక్కుల అశోక్ అన్నారు. ప్రజల సమస్యలపై నిరంతరం స్పందిస్తూ, కాంగ్రెస్ పార్టీ బలోపేతానికి క్షేత్రస్థాయిలో కృషి చేస్తానని ఆయన తెలిపారు. ప్రజా సేవే తనకు ముఖ్యమని, భవిష్యత్తులో కూడా ప్రజల మధ్య ఉంటూ వారి సమస్యల పరిష్కారానికి తన వంతు కృషి కొనసాగిస్తానని డా. ఉక్కుల అశోక్ స్పష్టం చేశారు.తన అభివృద్ధి విజన్, ప్రజా సేవా కార్యక్రమాలను చూసి గౌరవ ఎమ్మెల్యే శ్రీ మల్ రెడ్డి రంగారెడ్డి గారు తనను అభినందించి హగ్ ఇచ్చారని డా. ఉక్కుల అశోక్ తెలిపారు. ఎమ్మెల్యే నాయకత్వంలో ఇబ్రహీంపట్నం నియోజకవర్గ అభివృద్ధి మరింత వేగంగా కొనసాగుతుందని ఆయన అన్నారు. “పదవుల కోసం కాదు.. ప్రజా సేవ కోసం పనిచేస్తున్నాను. పార్టీ ఏ బాధ్యత అప్పగించినా అంకితభావంతో పనిచేస్తాను. ప్రజల విశ్వాసాన్ని నిలబెట్టుకోవడమే నా లక్ష్యం” అని డా. ఉక్కుల అశోక్ పేర్కొన్నారు. కాంగ్రెస్ పార్టీ బలోపేతానికి కార్యకర్తలు, నాయకులు సమష్టిగా కృషి చేయాలని ఆయన పిలుపునిచ్చారు.