అనంతసాగరం తాసిల్దార్ కార్యాలయంలో ఘనంగా అంతర్జాతీయ మహిళా దినోత్సవం

అనంతసాగరం మండలం: అనంతసాగరం మండల తాసిల్దార్ ఎ.పద్మావతి గారు అంతర్జాతీయ మహిళా దినోత్సవం పురస్కరించుకొనిస్థానిక తాసిల్దార్ కార్యాలయం నందు కేక్ కట్ చేసి ఘనంగా వేడుకలు జరిపారు. మహిళలు మహిళలు అందరికీ శుభాకాంక్షలు తెలియజేశారు ఈ సందర్భంగా వారు మాట్లాడుతూ స్త్రీలను దేవతలుగా పూజించడం కాదు స్త్రీలను గౌరవించాలని,స్త్రీలను పురుషులతో సమానంగా చూస్తున్నాం అనేది మాటల్లో కాకుండా కార్యరూపం దాల్చే లా చేయాలని మహిళలు ఆర్థికంగా సామాజికంగా పురోగతి చెందేలా పాటుపడాలని, మహిళల అభివృద్ధికి తోడ్పడాలని, అదే మహిళలకు ఇచ్చే నిజమైన గౌరవం అని తెలిపారు. స్త్రీని ఒక వస్తువుల ఒక యంత్రంలా చూడకుండా వాళ్లు కూడా సమాజంలో భాగమేనని గుర్తించాలి. చాలామంది మహిళలను వారికి నోటికొచ్చినట్టు దుర్భాషలాడుతూ ఉంటారు మహిళలను కించపరిచేలా మాట్లాడటం మానుకోవాలని,ఈ సమాజం మహిళకు ఇచ్చే గౌరవం ఎలా ఉందంటే ఒక వ్యక్తి చేతకాని పని చేస్తుంటే ఆ వ్యక్తి పసుపు రాసుకుని గాజులు తొడుక్కొని చీర కట్టుకోమని నిందిస్తారు అంటే మహిళలు అంత చేతకాని వారిలా వాళ్లు చూడడం చూపించడం సరికాదన్నారు. మహిళలు అన్ని రంగాల్లో అభివృద్ధి చెందితేనే ఇటువంటి మహిళా దినోత్సవాలకు వీలువ ఉంటుందని తెలిపారు. ఇకనైనా మహిళలకు తగిన గౌరవం స్వేచ్ఛ ఇవ్వాలని తెలిపారు.