తాడేపల్లి, సెప్టెంబరు 24 (పున్నమి ప్రతినిధి): దేవాదాయ శాఖ మంత్రి ఆనం రామనారాయణరెడ్డి, కమిషనర్ రామచంద్ర మోహన్లతో అనపర్తి ఎమ్మెల్యే నల్లమిల్లి రామకృష్ణారెడ్డి సమావేశమయ్యారు. గొల్లల మామిడాడ శ్రీ కోదండ రామాలయంలో నిర్వహించే శ్రీరామనవమి ఉత్సవాలను రాష్ట్ర స్థాయి రెండో పండుగగా ప్రకటించాలని కోరారు. బిక్కవోలు శ్రీ లక్ష్మీ గణపతి ఆలయ పునర్నిర్మాణానికి నిధులు కేటాయించాలని విజ్ఞప్తి చేశారు. పుష్కరాల సందర్భంగా అనపర్తి నియోజకవర్గంలోని దేవాలయాల అభివృద్ధికి చేపట్టాల్సిన కార్యక్రమాలపై చర్చించారు. ఈ సమావేశంలో బ్రాహ్మణ వెల్ఫేర్ కార్పొరేషన్ రాష్ట్ర చైర్మన్ కలపరపు బుచ్చి రామ్ ప్రసాద్ పాల్గొన్నారు.
