హెడ్మాస్టర్ శ్రీనివాస పుష్ప మేడం గారికి ఘనంగా పదవీ విరమణ సన్మానం*

*నాయుడుపేట, ఆగస్టు 30* నాయుడుపేటలోని ఎన్.ఎస్.ఆర్ కాలనీ ఎం.పి.పి ఎలిమెంటరీ పాఠశాల నందు గత 15 సంవత్సరాలుగా ప్రధానోపాధ్యాయురాలుగా విశేష సేవలందించిన కోమాండూరు శ్రీనివాస పుష్ప మేడం గారు పదవీ విరమణ చేశారు. గత 40 సంవత్సరాలుగా ఉపాధ్యాయ వృత్తిలో కొనసాగుతూ 1986 ఆగస్టు నుండి 2026 ఆగస్టు వరకు విద్యారంగంలో అంకితభావంతో సేవలందించారు. ఈ సందర్భంగా ఆగస్టు 30వ తేదీ శనివారం పాఠశాల ఆవరణలో నిర్వహించిన పదవీ విరమణ కార్యక్రమం ఘనంగా జరిగింది. ఈ కార్యక్రమానికి ముఖ్య అతిథులుగా పాఠశాల ఉపాధ్యాయినీ ఉపాధ్యాయులు, సిబ్బంది, పూర్వ విద్యార్థులు, తల్లిదండ్రులు మరియు విద్యాశాఖకు చెందిన పలువురు ప్రముఖులు హాజరయ్యారు. ఈ సందర్భంగా శ్రీనివాస పుష్ప మేడం గారిని శాలువా, పూలమాలలతో ఘనంగా సత్కరించి, జ్ఞాపికను అందజేశారు. విద్యారంగంలో ఆమె చేసిన సేవలు మరువలేనివని, ఎంతో మంది విద్యార్థుల భవిష్యత్తుకు బంగారు బాట వేశారని వక్తలు కొనియాడారు. అనంతరం ఆమె కుటుంబ సభ్యులను కూడా వేదికపై సన్మానించారు. ఈ కార్యక్రమంలో పాఠశాల సిబ్బంది, గ్రామ పెద్దలు, విద్యార్థులు పెద్ద ఎత్తున పాల్గొన్నారు.