దేశంలో అగ్ని భద్రతా ప్రమాణాలపై మళ్లీ చర్చ

ఢిల్లీలో జరిగిన ఘోర హోటల్ అగ్నిప్రమాదం నేపథ్యంలో దేశవ్యాప్తంగా అగ్నిమాపక భద్రతా ప్రమాణాలపై చర్చ మొదలైంది. అనేక వాణిజ్య భవనాలు, హోటళ్లు, అపార్ట్‌మెంట్లలో అగ్నిమాపక పరికరాల నిర్వహణ సరిగా లేదని అధికారులు గుర్తించారు. భవన నిర్మాణ అనుమతులు, అత్యవసర నిష్క్రమణ మార్గాలు, అగ్నిమాపక పరికరాల అందుబాటు వంటి అంశాలపై ప్రత్యేక తనిఖీలు చేపట్టాలని రాష్ట్ర ప్రభుత్వాలు నిర్ణయించాయి. ప్రజల ప్రాణ భద్రత కోసం కఠిన నిబంధనలను అమలు చేయాలని నిపుణులు సూచిస్తున్నారు.