.jpg){kind=avatar}
బిహార్లో మిగిలిన మహాదళిత ప్రాంతాలన్నింటికీ మూడు నెలల్లో పైపుల ద్వారా తాగునీటి సరఫరా అందించనున్నట్లు రాష్ట్ర ప్రజారోగ్య ఇంజినీరింగ్ శాఖ మంత్రి సంజయ్ కుమార్ సింగ్ తెలిపారు.
2016లో ప్రారంభించిన “హర్ ఘర్ నల్ కా జల్ యోజన” ద్వారా ఇప్పటికే కోట్లాది కుటుంబాలకు శుద్ధి చేసిన తాగునీరు అందిస్తున్నామని మంత్రి వెల్లడించారు. ప్రస్తుతం రాష్ట్రంలోని 93 శాతం ఇళ్లకు పైపుల ద్వారా నీటి సరఫరా జరుగుతోందని చెప్పారు.
భూగర్భ జలాల స్థాయిలు కూడా గత కొన్నేళ్లలో మెరుగుపడ్డాయని ప్రభుత్వం తెలిపింది. గ్రామీణ ప్రాంతాల్లో నీటి కొరతను తగ్గించేందుకు కొత్త ప్రాజెక్టులు అమలు చేస్తున్నట్లు అధికారులు పేర్కొన్నారు.
