ఆత్మీయ నేతకు అంతిమ నివాళి-చెంజి సుబ్రహ్మణ్యం మృతి పట్ల అసోసియేషన్ దిగ్భ్రాంతి

శ్రీకాళహస్తి, ఏప్రిల్ 05 (పున్నమి న్యూస్): శ్రీకాళహస్తి టైలర్స్ వెల్ఫేర్ అసోసియేషన్ ఉపాధ్యక్షులు చెంజి సుబ్రహ్మణ్యం (మణి) అకాల మరణం పట్టణంలోని టైలరింగ్ వృత్తిదారుల కుటుంబాల్లో తీవ్ర విషాదాన్ని నింపింది. ఆయన మృతి పట్ల అసోసియేషన్ సభ్యులు తీవ్ర దిగ్భ్రాంతిని వ్యక్తం చేశారు. ఆదివారం అసోసియేషన్ అధ్యక్షులు తొట్టంబేడు బాలయ్య ఆధ్వర్యంలో సభ్యులందరూ కలిసి సుబ్రహ్మణ్యం గారికి ఘన నివాళులర్పించారు. ఈ సందర్భంగా జరిగిన సంతాప సభలో అధ్యక్షులు బాలయ్య మాట్లాడుతూ.. సుబ్రహ్మణ్యం గారు అసోసియేషన్ అభివృద్ధికి, సభ్యుల సంక్షేమానికి చేసిన సేవలు మరువలేనివని కొనియాడారు. ఆయన మరణం సంఘానికి తీరని లోటని ఆవేదన వ్యక్తం చేశారు. అనంతరం సభ్యులందరూ కలిసి మృతుడి కుటుంబానికి తమ వంతు బాసటగా రూ. 10,116 నగదును ఆర్థిక సహాయంగా అందజేశారు. వారి కుటుంబానికి అసోసియేషన్ ఎల్లప్పుడూ అండగా ఉంటుందని భరోసా ఇచ్చారు. అనంతరం చెంజి సుబ్రహ్మణ్యం గారి అంతిమ యాత్రను అసోసియేషన్ సభ్యులు, స్థానికుల కన్నీటి వీడ్కోలు మధ్య ఘనంగా నిర్వహించారు. ఈ కార్యక్రమంలో పెద్ద సంఖ్యలో టైలర్లు, వివిధ సంఘాల ప్రతినిధులు మరియు స్థానికులు పాల్గొని ఆయనకు తుది నివాళులు అర్పించారు.