జిల్లా ఎస్పీతో కె.కె. చౌదరి భేటీ

-పార్టీ నాయకులు, సర్పంచుల సమస్యలను ఎస్పీ ధీరజ్ కునుబిలికి వివరించిన రాష్ట్ర ఖాదీ చైర్మన్ చిట్వేల్, నవంబర్ 28: పున్నమి ప్రతినిధి ఆంధ్రప్రదేశ్ రాష్ట్ర ఖాదీ మరియు గ్రామీణ పరిశ్రమల చైర్మన్ కె.కె. చౌదరి శుక్రవారం రాయచోటిలో అన్నమయ్య జిల్లా పోలీసు సూపరింటెండెంట్ (ఎస్పీ) ధీరజ్ కునుబిలి మర్యాదపూర్వకంగా కలిశారు. నియోజకవర్గంలోని తెలుగుదేశం పార్టీ (టీడీపీ) ముఖ్య నాయకులు, స్థానిక సంస్థల ప్రతినిధులు ఎదుర్కొంటున్న పలు సమస్యలను ఎస్పీ దృష్టికి తీసుకెళ్లారు. -సమస్యల పరిష్కారానికి వినతి ఈ భేటీలో కె.కె. చౌదరి గారు ముఖ్యంగా రైల్వే కోడూరు నియోజకవర్గ పరిధిలోని చిట్వేలి, పెనగలూరు, ఓబులవారిపల్లి మండలాలకు సంబంధించిన అంశాలపై ఎస్పీ ధీరజ్ కునుబిలి గారితో చర్చించారు. ఆయా మండలాల్లోని కొందరు తెలుగుదేశం పార్టీ ముఖ్య నాయకులు, సర్పంచులు ఎదుర్కొంటున్న వివిధ సమస్యలను ఆయన ఎస్పీకి వివరించారు. ఈ సమస్యల పరిష్కారం కోసం తగు చర్యలు తీసుకోవాలని ఆయన విజ్ఞప్తి చేశారు.ఎస్పీ ధీరజ్ కునుబిలి సమస్యలను సావధానంగా విన్నారని, వాటి పరిష్కారం దిశగా చర్యలు తీసుకుంటామని హామీ ఇచ్చారని కె.కె. చౌదరి తెలిపారు. శాంతి భద్రతలను కాపాడటంలో జిల్లా పోలీసు యంత్రాంగం నిబద్ధతతో పనిచేస్తుందని ఆయన విశ్వాసం వ్యక్తం చేశారు.ఈ కార్యక్రమంలో కె.కె. చౌదరి గారితో పాటు ప్రముఖ పారిశ్రామికవేత్త మాచినేని విశ్వేశ్వర నాయుడు, టీడీపీ సీనియర్ నాయకులు, ఎంపీటీసీ సభ్యులు, సర్పంచులు, ఇతర టీడీపీ ముఖ్య నాయకులు పాల్గొన్నారు.