15 ఏళ్ల తర్వాత సీఆర్పీఎఫ్ అధికారులకు తొలి పదోన్నతులు

సెంట్రల్ రిజర్వ్ పోలీస్ ఫోర్స్ (సీఆర్పీఎఫ్)లో 263 మంది అసిస్టెంట్ కమాండెంట్లకు దాదాపు 15 సంవత్సరాల తర్వాత తొలి పదోన్నతులు లభించాయి. సుప్రీంకోర్టు ఆదేశాల అనంతరం పదోన్నతుల ప్రక్రియ పూర్తి చేసినట్లు అధికారులు తెలిపారు. దీని వల్ల దిగువ స్థాయి అధికారుల పదోన్నతులకు కూడా మార్గం సుగమం కానుంది. ఈ నిర్ణయం సిబ్బంది ఉత్సాహాన్ని పెంచుతుందని భావిస్తున్నారు.