రోడ్ల పై రబ్బిష్
*నెలల తరబడిగా తొలగించని వైనం
* ప్రకటనలు ఆకాశంలో
* ఫలితాలు పాతాళంలో నెల్లూరు నగర పరిధిలో పారిశుధ్యం రోజు రోజు కు దిగజారుగుతుంది .
ఉన్నతాధికారులు పర్యటించే ప్రాంతాల్లో మాత్రమే పారిశుధ్యానికి ప్రాధాన్యత ఇస్తునందగా అధికారులు పర్యటించని ప్రదేశాలలో పారిశుద్యం పై సంబంధిత సచివాలయ ఉద్యోగులు శానిటేషన్ కార్యదర్సులు ద్రుష్టి పెట్టడం లేదు . దీంతో ఆయా ప్రాంతాలలో పారిశుధ్యం ఎక్కడ వేసిన గొంగళి అక్కడిలా నే ఉంటుంది . సిటీ నియోజక వర్గ పరిధిలో ఈ పారిశుధ్య వ్యవస్థ మరింత నిర్లక్ష్యంగా వేళ్లూనుకొని కనిపిస్తుంది . ఉదాహరణకు 16 డిసిషన్ పరిధి లోని వాసవి నగర్ , రావి చెట్టు సెంటర్ 2 వ మెయిన్ రోడ్ కూడలి వద్ద గత కొన్ని నెలల నుంచి టన్నుల కొద్ది పరిణామంలో పెద్ద రబ్బిష్ గుట్ట రోడ్ మీద కనిపిస్తుంది . ఆ రోడ్డున వెళ్లే వందలాదిమంది వాహన దారులకు ప్రజలకు మాత్రం ఈ గుట్ట ఆ గుట్ట తో నిండిన చెత్త అసహ్యంగా కనిపిస్తుందే కానీ సంబంధిత సచివాలయ శానిటేషన్ సెక్రటరీ కి కానీ శానిటేషన్ మేస్త్రీలు , కార్మికులకు కానీ కనిపించక పోవడం గమనార్హం . మరో ఉదాహరణ చెప్పుకోవాలంటే 8 వ డివిజన్ పరిధిలో ఆర్ ఎస్ ఆర్ పాఠశాల ప్రహరీ గోడ అనుకోని ఉత్తరం వైపున శ్రీ వాసవి కన్యకా పరమేశ్వరి దేవస్థానానికి వెళ్లే రోడ్ మొత్తం రబ్బిష్ గుట్టల తోనే నిండి కనిపిస్తుంది . ఈ సమీపంలోనే అన్న కాంటీన్ ఉన్న కార్పొరేషన్ ఉన్నతాధికారులు ఆ కాంటీన్ ను అప్పుడప్పుడు తనికీలు చేసి వెళ్తారు కానీ ఈ దావుద్ లో ని రబ్బిష్ గుట్టలను గాని చెత్తను గాని పట్టించుకోని పరిశీలించిన పాపాన పోవడం లేదు .ఇలా చెప్పుకుంటూ పోతే నెల్లూరు నగర పరిధిలో అనేక మారు మూల వీధుల్లో ఇలాంటి పారిశుధ్య చిత్ర విచిత్రాలను ఎన్నో మనం చూడవచ్చు . ఓ వైపు కోట్లు కర్చు చేసి లక్షలు రూపాయలు నెల జీతాలు ఇచ్చి నగర పరిధిలో సీసీ కెమెరాలు కమాండ్ కంట్రోల్ కార్యాలయానికి అనుసంధానం చేసి నగర పరిస్థితిని ఎప్పటికి అప్పుడు , ఎక్కడికి అక్కడ గమనిస్తున్నామని చెప్పుకునే కార్పొరేషన్ అధికారులు ఇలాంటి మారు మూల రోడ్ ల పరిస్థితుల పై కూడా ఇకపై దృష్టిపెట్టి తగు చర్యలు తీసుకోవాల్సి ఉంది అని నగర ప్రజలు తమ అభిప్రాయాలను వ్యక్తం చేస్తున్నారు .
