సర్దార్ సర్వాయి పాపన్న ఆశయాలను కొనసాగించాలి – ఘనంగా పాపన్న జయంతి వేడుకలు – విగ్రహానికి పూలమాలలు వేసి నివాళులర్పించిన ఉప్పల్ ఎమ్మెల్యే బండారి లక్ష్మారెడ్డి

మేడ్చల్ (పున్నమి ప్రతినిధి – సందీప్): బహుజనుల హక్కులు, ఆత్మగౌరవం కోసం పోరాడిన మహనీయుడు సర్దార్ సర్వాయి పాపన్న గౌడ్ అని, ఆయన ఆశయాలను ప్రతి ఒక్కరూ కొనసాగించాలని ఉప్పల్ శాసనసభ్యులు బండారి లక్ష్మారెడ్డి పిలుపునిచ్చారు. ​చిల్కానగర్ డివిజన్‌లోని నోవా ఫంక్షన్ హాల్ ప్రాంగణంలో నేర్ధం భాస్కర్ గౌడ్, సత్యరాజ్ గౌడ్ ఆధ్వర్యంలో సర్దార్ సర్వాయి పాపన్న జయంతి ఉత్సవాలను ఘనంగా నిర్వహించారు. ఈ కార్యక్రమానికి ముఖ్య అతిథిగా హాజరైన ఎమ్మెల్యే బండారి లక్ష్మారెడ్డి, రాష్ట్ర నాయకులు బన్నాల ప్రవీణ్ ముదిరాజ్‌తో కలిసి పాపన్న విగ్రహానికి పూలమాల వేసి ఘనంగా నివాళులర్పించారు. ​ఈ సందర్భంగా ఎమ్మెల్యే ಮಾತలాడుతూ… నిరంకుశ పాలనకు వ్యతిరేకంగా ధీరోదాత్తంగా పోరాడిన బహుజన విప్లవ వీరుడు సర్వాయి పాపన్న అని కొనియాడారు. ఆయన సాగించిన ఉద్యమ స్ఫూర్తి, చేసిన త్యాగాలు సమాజానికి ఎల్లప్పుడూ మార్గదర్శకమని పేర్కొన్నారు. ​వేడుకల సందర్భంగా ప్రాంగణమంతా “జై సర్వాయి పాపన్న” నినాదాలతో హోరెత్తింది. ఈ కార్యక్రమంలో వివిధ రాజకీయ పార్టీల నాయకులు, గౌడ సంఘాల ప్రతినిధులు, మహిళలు మరియు చిల్కానగర్ డివిజన్ ప్రజలు పెద్ద ఎత్తున పాల్గొన్నారు.