*దశాబ్దాల సమస్యకు చరమగీతం పాడే దిశగా మరో అడుగు*
దాసుకుప్పం బైపాస్ కోసం పట్టువదలని విక్రమార్కుడిలా పోరాటం.. సీఎం చంద్రబాబు దృష్టికి సమస్య.. వెంటనే అధికారులకు ఆదేశాలు..
~~~~~~~~~~~~~~~~
సత్యవేడు:-…
ఒక సమస్యను గుర్తించడం గొప్ప విషయం కాదు… ఆ సమస్యకు పరిష్కారం లభించే వరకు పట్టువదలకుండా పోరాడటమే నిజమైన ప్రజాప్రతినిధి లక్షణం….
దశాబ్దాలుగా సత్యవేడు నియోజకవర్గ ప్రజలను వెంటాడుతున్న దాసుకుప్పం బైపాస్ రోడ్డు సమస్య పరిష్కారం కోసం అదే పట్టుదలతో ముందుకు సాగుతున్నారు *సత్యవేడు ఎమ్మెల్యే కోనేటి ఆదిమూలం…*
~~~~~~~~~~~~~~~~
*ఈ సమస్యకు పరిష్కారం కావాల్సిందే… ప్రజలు ఇకపై ఇబ్బందులు పడకూడదు* అనే సంకల్పంతో ఎమ్మెల్యే ఆదిమూలం చేస్తున్న నిరంతర ప్రయత్నాలకు ఇప్పుడు ముఖ్యమంత్రి నారా చంద్రబాబునాయుడు స్పందించడం సత్యవేడు ప్రజలకు కొత్త ఆశలు నింపింది….
~~~~~~~~~~~~~~~~
*మరోసారి సీఎం దృష్టికి బైపాస్ సమస్య*
శ్రీకాళహస్తికి విచ్చేసిన ముఖ్యమంత్రి చంద్రబాబునాయుడు గారి దృష్టికి ఎమ్మెల్యే ఆదిమూలం దాసుకుప్పం బైపాస్ రోడ్డు ఆవశ్యకతను వివరించారు. సత్యవేడు నియోజకవర్గానికి ఈ రహదారి ఎంత కీలకమో, నాలుగు మండలాల ప్రజలు ఎదుర్కొంటున్న రవాణా ఇబ్బందులు ఏమిటో సీఎం దృష్టికి తీసుకెళ్లారు.
సమస్య తీవ్రతను అర్థం చేసుకున్న ముఖ్యమంత్రి చంద్రబాబునాయుడు గారు వెంటనే అధికారులను పిలిచి, నివేదిక తయారు చేసి తనకు పంపాలని ఆదేశించడం ప్రాధాన్యత సంతరించుకుంది…
~~~~~~~~~~~~~~~~
*నాలుగు మండలాల ప్రజలకు ప్రధాన సమస్య*
సత్యవేడు నియోజకవర్గ కేంద్రానికి నాగలాపురం, పిచ్చాటూరు, నారాయణవనం తదితర ప్రాంతాల నుంచి ప్రయాణించాలంటే తమిళనాడు భూభాగం మీదుగా, ఉత్తుకోట పట్టణం వైపు వెళ్లాల్సిన పరిస్థితి ఉంది.
*ఇది సాధారణ ప్రయాణ సమస్య కాదు… ప్రజల రాకపోకలు, విద్యార్థుల ప్రయాణం, వ్యాపారుల రవాణా, అత్యవసర వైద్య సేవలు—ఇలా ప్రతి అంశంపైనా ప్రభావం చూపుతున్న సమస్య.*
~~~~~~~~~~~~~~~~
తమిళనాడు భూభాగం మీదుగా ప్రయాణించాల్సి రావడంతో అక్కడి తనిఖీలు, రాష్ట్ర సరిహద్దుల వద్ద ఏర్పడే పరిస్థితులు ప్రయాణికులకు ఇబ్బందులు కలిగిస్తున్నాయి. ముఖ్యంగా కరోనా సమయంలో సరిహద్దులు మూసివేయడంతో ప్రజలు పడిన ఇబ్బందులు వర్ణనాతీతం.
~~~~~~~~~~~~~~~
*ఎవరూ పట్టించుకోని సమస్యను ఆదిమూలం పట్టుకున్నారు*
*ఈ సమస్య ఈరోజు పుట్టింది కాదు…* నియోజకవర్గం ఏర్పడిన నాటి నుంచి ప్రజలను వెంటాడుతున్న సమస్య.
గతంలో అనేక మంది ప్రజాప్రతినిధులు వచ్చినా ఈ సమస్య పరిష్కారానికి పెద్దగా అడుగులు పడలేదు. కానీ ఎమ్మెల్యే ఆదిమూలం మాత్రం *దీనికి శాశ్వత పరిష్కారం చూపాల్సిందే* అంటూ *ఉడుం పట్టుతో* ముందుకు సాగారు.
~~~~~~~~~~~~~~~~
గత ప్రభుత్వ హయాంలో ఎమ్మెల్యేగా ఉన్న సమయంలోనే బైపాస్ కోసం ప్రయత్నాలు ప్రారంభించారు. నిధులు మంజూరైనప్పటికీ కొన్ని కారణాల వల్ల ఆ ప్రక్రియ ముందుకు సాగలేదు. అయినా ఆయన వెనక్కి తగ్గలేదు.
తెలుగుదేశం పార్టీ తరఫున మరోసారి ఎమ్మెల్యేగా విజయం సాధించిన తర్వాత కూడా అదే పట్టుదలతో సమస్య పరిష్కారం కోసం ప్రభుత్వ పెద్దల దృష్టికి తీసుకెళ్తున్నారు.
~~~~~~~~~~~~~~~~
*ఒక్క కిలోమీటర్ రోడ్డు… దశాబ్దాల సమస్యకు శాశ్వత పరిష్కారం!*….
ఈ బైపాస్ రోడ్డు పూర్తయితే పెద్దగా దూరం కాదు… కేవలం సుమారు ఒక కిలోమీటర్ మేర బైపాస్ రహదారి నాలుగు మండలాల ప్రజల దశాబ్దాల ఇబ్బందులకు శాశ్వత పరిష్కారం చూపే అవకాశం ఉంది.
ప్రజల ప్రయాణ సమయం తగ్గుతుంది. రాష్ట్ర సరిహద్దు సమస్యలు ఉండవు. రవాణా సులభతరం అవుతుంది. అత్యవసర సమయాల్లో ప్రజలకు ఎంతో ఉపయోగకరంగా ఉంటుంది. వ్యాపార, ఆర్థిక కార్యకలాపాలకు కూడా ఊతం లభించే అవకాశం ఉంది.
~~~~~~~~~~~~~~~~
*ఆది అన్న పట్టుదలకు సీఎం స్పందన… ప్రజల్లో కొత్త ఆశలు*
ఒక సమస్యను ముఖ్యమంత్రి దృష్టికి తీసుకెళ్లి అక్కడితో ఆగిపోవడం కాదు… పరిష్కారం వచ్చే వరకు వెంటాడటం ఆదిమూలం ప్రత్యేకతగా స్థానికులు అభివర్ణిస్తున్నారు.
దశాబ్ద కాలంగా బైపాస్ కోసం చేస్తున్న ఆయన ప్రయత్నాలకు ఇప్పుడు సీఎం చంద్రబాబు స్పందించడం సత్యవేడు ప్రజల్లో ఆశలు రేకెత్తిస్తోంది.
~~~~~~~~~~~~~~~~
*ఏది ఏమైనా*
ప్రజల కోసం అడిగే నాయకుడు ఒకరు…
ప్రజల సమస్యను తన సమస్యగా భావించి పరిష్కారం కోసం పట్టుబట్టే నాయకుడు మరొకరు…
దాసుకుప్పం బైపాస్ విషయంలో ఎమ్మెల్యే ఆదిమూలం చూపిస్తున్న పట్టుదల రెండో కోవకు నిదర్శనంగా నిలుస్తోంది.
*శభాష్ ఆదిమూలం అన్నా..!*
దశాబ్దాల సమస్యను దశలవారీగా పరిష్కారం వైపు తీసుకెళ్తున్న నీ కృషికి *సలాం..!*
సత్యవేడు ప్రజల రవాణా కష్టాలకు ముగింపు పలికే ఆ బైపాస్ రోడ్డు త్వరలోనే సాకారం కావాలని నాలుగు మండలాల ప్రజలు ఆశగా ఎదురుచూస్తున్నారు.
