వార్త ముఖ్యాంశాలు
- యలమంచిలి మండలం ఏటికొప్పాక గ్రామంలో ప్రతి సంవత్సరం భక్తజన సందోహం మధ్య అత్యంత వైభవంగా నిర్వహించే శ్రీశ్రీశ్రీ బండిమాంబ అమ్మవారి జాతర తేదీని మార్చినట్లు ఆలయ కమిటీ ప్రకటించింది.
- ముందుగా నవంబర్ 29, 2026న జాతర నిర్వహించాలని నిర్ణయించగా, అదే రోజు గ్రామ పంచాయతీ ఎన్నికలు జరగనున్న నేపథ్యంలో జాతర తేదీని వాయిదా వేయాలని నిర్ణయించారు.
- ఆలయ కమిటీ చైర్మన్ చింతలపాటి దేవి ప్రసాద్, గ్రామ పెద్దలు, గ్రామ ప్రజల సమిష్టి అభిప్రాయం మేరకు ఈ నిర్ణయం తీసుకున్నారు.
యలమంచిలి మండలం ఏటికొప్పాక గ్రామంలో ప్రతి సంవత్సరం భక్తజన సందోహం మధ్య అత్యంత వైభవంగా నిర్వహించే శ్రీశ్రీశ్రీ బండిమాంబ అమ్మవారి జాతర తేదీని మార్చినట్లు ఆలయ కమిటీ ప్రకటించింది. ముందుగా నవంబర్ 29, 2026న జాతర నిర్వహించాలని నిర్ణయించగా, అదే రోజు గ్రామ పంచాయతీ ఎన్నికలు జరగనున్న నేపథ్యంలో జాతర తేదీని వాయిదా వేయాలని నిర్ణయించారు. ఆలయ కమిటీ చైర్మన్ చింతలపాటి దేవి ప్రసాద్, గ్రామ పెద్దలు, గ్రామ ప్రజల సమిష్టి అభిప్రాయం మేరకు ఈ నిర్ణయం తీసుకున్నారు. దీంతో అమ్మవారి జాతరను డిసెంబర్ 6, 2026 ఆదివారం నాడు అంగరంగ వైభవంగా నిర్వహించనున్నారు. ఈ సందర్భంగా ఏటికొప్పాక గ్రామ ప్రజలతో పాటు చుట్టుపక్కల గ్రామాల భక్తులు, అమ్మవారి భక్తులందరూ తేదీ మార్పును గమనించాలని కమిటీ కోరింది. నవంబర్ 29న జాతర ఉండదని, డిసెంబర్ 6న మాత్రమే నిర్వహిస్తామని స్పష్టం చేసింది. భక్తులందరూ పెద్ద సంఖ్యలో తరలివచ్చి అమ్మవారి జాతరలో పాల్గొని ఉత్సవాలను విజయవంతం చేయాలని ఆలయ కమిటీ విజ్ఞప్తి చేసింది.
వార్తా మూలాలు
- కె. ఆనంద్పత్రిక / వెబ్‌సైట్
