జిల్లాలో ముమ్మరంగా విజిబుల్ పోలీసింగ్ – డ్రంక్ & డ్రైవ్, ఓపెన్ డ్రింకింగ్‌పై కఠిన చర్యలు

జిల్లా వ్యాప్తంగా పోలీస్ శాఖ విజిబుల్ పోలీసింగ్‌ను మరింత కట్టుదిట్టంగా అమలు చేస్తోంది. నేరాల నియంత్రణ, ప్రజల భద్రత లక్ష్యంగా అధికారులు పలు చర్యలు చేపడుతున్నారు. ముఖ్యంగా వాహనాల తనిఖీలు విస్తృతంగా నిర్వహిస్తూ, ట్రాఫిక్ నిబంధనలు ఉల్లంఘించే వారిపై కఠిన చర్యలు తీసుకుంటున్నారు. డ్రంక్ & డ్రైవ్, ఓపెన్ డ్రింకింగ్ వంటి చట్టవిరుద్ధ కార్యకలాపాలపై పోలీసులు ప్రత్యేక దృష్టి సారించారు. మద్యం సేవించి వాహనం నడిపేవారిని గుర్తించి కేసులు నమోదు చేస్తున్నారు. అలాగే బహిరంగ ప్రదేశాల్లో మద్యం సేవించే వారిపై కూడా చర్యలు కొనసాగుతున్నాయి. రాత్రి వేళల్లో నగరం పాటు శివారు ప్రాంతాల్లో విస్తృతంగా పోలీస్ పెట్రోలింగ్ నిర్వహిస్తున్నారు. అనుమానాస్పద వ్యక్తులు, వాహనాలపై నిఘా పెంచి, నేరాలకు అడ్డుకట్ట వేయాలని లక్ష్యంగా పనిచేస్తున్నారు. ప్రజలు కూడా అప్రమత్తంగా ఉండాలని పోలీసులు సూచిస్తున్నారు. ఎటువంటి అనుమానాస్పద సమాచారం ఉన్నా వెంటనే 112 ఎమర్జెన్సీ నంబర్ లేదా ఈగల్ సెల్ 1972కు సమాచారం అందించాలని కోరుతున్నారు. జిల్లాలో శాంతి భద్రతలు కాపాడేందుకు ఈ చర్యలు కొనసాగుతాయని, ప్రజల సహకారం కీలకమని పోలీసులు తెలిపారు.