కష్టానికి ఫలితం… ద్వితీయ స్థానం సాధించిన చందనకు ఘన సన్మానం ఏ వి జి ఫౌండేషన్ ఆడాల వరలక్ష్మి, గణేష్
పట్టుదలతో విజయ శిఖరానికి చేరిన చందన
పున్నమి న్యూస్ ప్రతినిధి
05 మే 2026
రంగారెడ్డి జిల్లా ఇబ్రహీంపట్నం నియోజకవర్గంలో ఇంచార్జ్:
మేడిపల్లి నక్కర్త ప్రాంతానికి చెందిన ప్రతిభావంతురాలు చందన, పదోతరగతి పరీక్షల్లో ద్వితీయ స్థానాన్ని సాధించి విశేష ప్రతిభ కనబరిచింది. అండేకార్ బాలాజీ కుమార్తె అయిన చందన, కష్టపడి చదువుతూ తన కుటుంబానికి, పాఠశాలకు, గ్రామానికి గర్వకారణంగా నిలిచింది.
సాధారణ కుటుంబ నేపథ్యం నుంచి వచ్చిన చందన, తన పట్టుదల, క్రమశిక్షణతో ఈ విజయాన్ని సాధించింది. తల్లిదండ్రుల ప్రోత్సాహం, ఉపాధ్యాయుల మార్గదర్శకత్వం, తన కృషి కలిసివచ్చి ఈ గొప్ప ఫలితాన్ని అందించింది.
ఈ సందర్భంగా స్థానిక ఏ వి జి ఫౌండేషన్ ఆడాల వరలక్ష్మి, గణేష్ కలిసి చందన ని ఘనంగా సత్కరించారు. శాలువాతో సన్మానించి, పుష్పగుచ్ఛాలు అందజేసి అభినందనలు తెలిపారు. ఆమె భవిష్యత్తులో ఇంకా ఉన్నత శిఖరాలను అధిరోహించాలని ఆశీర్వదించారు.
ఈ కార్యక్రమంలో పలువురు గ్రామ పెద్దలు మాట్లాడుతూ,
“గ్రామీణ ప్రాంతాల్లో కూడా ఉన్నతమైన ప్రతిభ దాగి ఉందని చందన నిరూపించింది. ఆమె విజయం ఇతర విద్యార్థులకు స్ఫూర్తిగా నిలుస్తుంది” అని అన్నారు.
ఉపాధ్యాయులు మాట్లాడుతూ,
“చందన ఎప్పుడూ చదువుపై దృష్టి పెట్టి క్రమశిక్షణతో ముందుకు సాగింది. ఈ విజయానికి ఆమె కృషి ప్రధాన కారణం” అని తెలిపారు.
ఈ సన్మాన కార్యక్రమంలో గ్రామ ప్రజలు, విద్యార్థులు, ఉపాధ్యాయులు పెద్ద సంఖ్యలో పాల్గొని చందన కి శుభాకాంక్షలు తెలియజేశారు. ఈ విజయాన్నికి .
ప్రత్యేక అభినందనలు
ద్వితీయ స్థానంలో నిలిచిన చందన కి హృదయపూర్వక శుభాకాంక్షలు
భవిష్యత్తులో మరిన్ని విజయాలు సాధించాలని ఆకాంక్షిస్తూ…
సన్మానం చేసిన వారు
స్థానిక ప్రముఖులు, గ్రామ పెద్దలు, ఉపాధ్యాయులు
