ఉద్యానవన పంటల సాగుతో లాభదాయక వ్యవసాయానికి ప్రోత్సాహం:జిల్లా కలెక్టర్ సందీప్ కుమార్ ఝా
———————————————————————
జనగామ,ఆగష్టు 29,
కూరగాయల సాగుతో రైతులు అధిక ఆదాయం పొందాలి*
ఘనపూర్ (స్టేషన్) మండలంలోని శివునిపల్లి గ్రామంలో రైతు పొలాన్ని సందర్శించిన కలెక్టర్*
*పందిళ్ల విధానంలో దొండ, పొట్లకాయ, సొరకాయ సాగు పరిశీలన*
*పిచ్చి మొక్కల నియంత్రణ, తెగుళ్లు, నీటి యాజమాన్యంపై సూచనలు*
*జిల్లా కలెక్టర్ సందీప్ కుమార్ ఝా*
కూరగాయల సాగులో ఆధునిక పద్ధతులను అనుసరిస్తూ, ప్రభుత్వ సబ్సిడీ పథకాలను సద్వినియోగం చేసుకొని, రైతులు అధిక ఆదాయం పొందాలని *జిల్లా కలెక్టర్ సందీప్ కుమార్ ఝా* సూచించారు.
శుక్రవారం, జిల్లాలోని ఘనపూర్ (స్టేషన్) మండలం, శివునిపల్లి గ్రామానికి చెందిన *రైతు పిట్టల రాజు* వ్యవసాయ క్షేత్రాన్ని *జిల్లా కలెక్టర్ సందీప్ కుమార్ ఝా* సందర్శించి, దొండ, సొరకాయ, పొట్లకాయ సాగును పరిశీలించారు.
పందిళ్ల (Pandals) విధానంలో ఏర్పాటు చేసిన తోటను పర్యవేక్షించిన *కలెక్టర్*, తోట నిర్వహణ తీరు, పంట పెరుగుదల, నీటి వినియోగం, దిగుబడి అవకాశాలపై రైతుతో మాట్లాడి, వివరాలు తెలుసుకున్నారు.
తోట ఎంతో చక్కగా నిర్వహిస్తున్నారని *రైతును* అభినందించిన *కలెక్టర్*, పంట మరింత ఆరోగ్యంగా ఎదగాలంటే పిచ్చి మొక్కలను ఎప్పటికప్పుడు తొలగించి, కలుపు నియంత్రణ చేపట్టాలని సూచించారు. నీటి నిర్వహణ, పందిళ్ల నిర్వహణ, పంట సంరక్షణ చర్యలను క్రమం తప్పకుండా చేపట్టాలని సూచించారు.
ఈ సందర్భంగా రైతును పంట సాగు విస్తీర్ణం, పెట్టుబడి వ్యయం, నీటి వనరు, ప్రభుత్వ సబ్సిడీ లబ్ధి, దిగుబడి, మార్కెటింగ్, తదితర అంశాలపై ఆరా తీశారు.
అలాగే ఎన్ని ఎకరాల్లో ఈ కూరగాయల పంటలను వేశారు? అని రైతును అడుగగా, పొట్లకాయ సాగు రెండు ఎకరాల్లో వేశామని, సొరకాయ సాగు ఒక ఎకరంలో వేశామని, దొండ కాయ సాగు అర ఎకరంలో వేశామని *రైతు, కలెక్టర్ కు* వివరించారు.
అదే విధంగా పండిన కూరగాయలను ఎక్కడ విక్రయిస్తున్నారు? ఏ మార్కెట్లకు తరలిస్తున్నారు? ధరలు ఎలా ఉన్నాయి? అనే విషయాలపై కూడా సమగ్రంగా చర్చించారు.
అనంతరం పొలంలో ఉన్న పత్తి పంటను కూడా పరిశీలించిన *కలెక్టర్*, పంట ఆరోగ్యం, నీటి యాజమాన్యం, తెగుళ్ల నివారణ చర్యలపై పలు సూచనలు చేశారు. పంటల వైవిధ్యీకరణతో పాటు ఉద్యానవన పంటల సాగు రైతులకు మెరుగైన ఆదాయాన్ని అందిస్తోందని పేర్కొన్నారు.
ఈ పరిశీలనలో ఉద్యానవన శాఖ అధికారి సందీప్, ఇతర సంబంధిత అధికారులు, తదితరులు పాల్గొన్నారు.
