Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: జనగామ

జనగాం

ఆరుతడి పంటల సాగును ప్రోత్సాహించాలి :జిల్లా కలెక్టర్ సందీప్ కుమార్ ఝా

ఎల్‌నినో ప్రభావాన్ని దృష్టిలో ఉంచుకొని ఆరుతడి పంటల సాగును ప్రోత్సహించాలి ————————————————————— *రబీ ప్రణాళిక, పంటల వైవిధ్యీకరణకు ప్రత్యేక కార్యాచరణ.. రైతుల వివరాల నమోదు కోసం ప్రత్యేక ఆన్‌లైన్ యాప్* *రైతులు తమకు ఆసక్తి ఉన్న ప్రత్యామ్నాయ పంటలు, సాగు విస్తీర్ణం, వ్యవసాయ అవసరాలను ఏఈఓల ద్వారా నమోదు చేసుకోవాలి* *యాసంగిలో వరికి బదులుగా ప్రత్యామ్నాయ పంటల సాగుపై ప్రత్యేక దృష్టి* *ఆరుతడి పంటలు సాగుచేసే రైతుల వివరాలు సేకరించాలి* *రైతులకు అండగా ప్రత్యామ్నాయ పంటల సాగుకు ప్రభుత్వ ప్రోత్సాహం* *గ్రామాల్లో పర్యటించి ప్రత్యామ్నాయ పంటల సాగుపై రైతులకు అవగాహన కల్పించాలి* *యాసంగి పంటల ప్రణాళికలో పంటల మార్పిడికి ప్రాధాన్యం* *రెండు రోజుల్లో ఆరుతడి పంటల సాగు వివరాలతో నివేదిక సమర్పించాలి* ఎల్‌నినో ప్రభావం నేపథ్యంలో జిల్లాలో వరికి ప్రత్యామ్నాయంగా ఆరుతడి పంటలను రైతులు సాగు చేసేలా ప్రోత్సహించాలని ప్రభుత్వం నిర్ణయించింది. యాసంగి సీజన్‌లో ఎట్టి పరిస్థితుల్లో రైతులు వరి సాగుచేసి నష్టపోకుండా చూడాలని ప్రభుత్వం ప్రణాళికను రూపొందించింది. ఈ నేపథ్యంలో రాష్ట్ర ప్రభుత్వం ఏఈవోలు అన్ని గ్రామాల్లో పర్యటించి, ఏ రైతు సాగు చేస్తున్నారో వివరాలు సేకరించి, రెండు రోజుల్లో ప్రభుత్వానికి నివేదిక పంపాలని ఆదేశాలు జారీ అయ్యాయి. అందుకు సంబంధించి జిల్లా వ్యవసాయ శాఖ అధికారులు ఇప్పటికే ఏఈవోలకు స్పష్టమైన సూచనలు ఇచ్చారు. రెండు రోజుల పాటు పర్యటించి ఆరుతడి పంటలు ఏ రైతు ఎంత విస్తీర్ణంలో సాగు చేస్తున్నారో అందుకు సంబంధించిన వివరాలను సేకరించి ప్రభుత్వానికి పంపించనుంది. నీటి లభ్యత, నేల స్వభావం, వాతావరణ పరిస్థితులకు అనుగుణంగా పంటలు సాగు చేయాలని రైతులకు అధికారులు సూచిస్తున్నారు. చలి కాలంలోనూ ఎండ తీవ్రత కనిపిస్తుండటంతో పాటు ఉష్ణోగ్రతలు పెరుగుతున్నందున రానున్న రోజుల్లో నీటి లభ్యత తగ్గే అవకాశం ఉంది. దీంతో తక్కువ నీటితో పంటలు సాగు చేసేలా వ్యవసాయ శాఖ ప్రణాళికలు రూపొందిస్తోంది. రెండు రోజుల పాటు అన్ని గ్రామాల్లో అధికారులు పర్యటించి రైతులు వారీగా వివరాలు సేకరించనున్నారు. ఎవరైనా రైతులు వరిని సాగుచేసే ప్రయత్నాలు చేస్తే వారికి అవగాహన కల్పించి విరమింపజేయనున్నారు. *పంటల మార్పిడే ప్రధాన లక్ష్యం* ఎల్‌నినో ప్రభావాన్ని దృష్టిలో ఉంచుకొని యాసంగి పంటల సాగు కార్యచరణను ఈ నెల 19వ తేదీలోగా రూపొందించాలని, వ్యవసాయ, ఉద్యాన శాఖ అధికారులను ఉన్నతాధికారులు ఆదేశించారు. అందులో పంటల వైవిధ్యం, పంటల మార్పిడికి ప్రాధాన్యం ఇవ్వనున్నారు. గ్రామాల వారీగా ఎలాంటి పంటలు, ఎంత విస్తీర్ణంలో రైతులు సాగు చేస్తున్నారే దానిపై వివరాలు సేకరించనున్నారు. దీని ఆధారంగా యాసంగి పంటల సాగు కార్యచరణ ప్రణాళిక, జిల్లా స్థాయి ప్రణాళిక పూర్తి చేయాల్సి ఉంటుంది. యాసంగిలో ఎట్టి పరిస్థితుల్లో రైతులు వరి సాగు చేయవద్దని ప్రభుత్వం స్పష్టం చేసింది. ఈ విషయంపై వ్యవసాయ శాఖ ప్రత్యేక దృష్టి సారించింది. ప్రత్యామ్నాయ పంటలపై ముందుగానే రైతులకు అవగాహన కల్పించి, నీరు తక్కువ వినియోగమయ్యే పంటలు, ఆరుతడి పంటలు సాగు అంశాలను యాసంగి కార్యచరణ ప్రణాళికను పొందుపర్చనున్నారు. *సోలార్ ఫెన్సింగ్, డ్రిప్, స్ప్రింక్లర్లు, రెయిన్ గన్స్, ప్రెజర్ గన్స్, పశుగ్రాస విత్తనాలు, మినీ ట్రాక్టర్ల అవసరాల నమోదుకు అవకాశం* రబీ సీజన్‌కు సంబంధించి పంటల ప్రణాళిక, పంటల వైవిధ్యీకరణ, వరికి ప్రత్యామ్నాయ పంటల సాగును ప్రోత్సహించేందుకు జిల్లా స్థాయిలో ప్రత్యేక కార్యాచరణలో భాగంగా రైతుల పంటల వివరాలు, సాగు విస్తీర్ణం, నీటి వనరులు, నీటి పారుదల పరికరాలు, ఇతర వ్యవసాయ అవసరాలను నమోదు చేసేందుకు ప్రత్యేక ఆన్‌లైన్ యాప్‌ను రూపొందించారు. ఈ యాప్‌లో వ్యవసాయ విస్తరణ అధికారులు (AEOs) తమ లాగిన్ ద్వారా రైతుల వివరాలను నమోదు చేయనున్నారు. రైతులు తమ గ్రామానికి సంబంధించిన క్లస్టర్ వ్యవసాయ విస్తరణ అధికారిని సంప్రదించి, తమకు ఆసక్తి ఉన్న పంటల రకాలు, సాగు విస్తీర్ణం, నీటి పారుదల సదుపాయాలు, ఇతర అవసరాలను నమోదు చేయించుకోవాలి. వరి సాగుకు ప్రత్యామ్నాయంగా కుసుమ, టమాటా, బీరకాయ, సొరకాయ, బెండకాయ, మిరప, ఆకుకూరలు, పప్పుధాన్యాలు, పెసర, మినుము, శనగ, వేరుశనగ, పొద్దుతిరుగుడు, నువ్వులు, తదితర పంటల సాగుపై రైతులు తమ ఆసక్తిని నమోదు చేసుకోవాలి. ఆయా పంటలకు అవసరమైన సాగు విస్తీర్ణం, డ్రిప్, స్ప్రింక్లర్లు, రెయిన్ గన్స్, ప్రెజర్ గన్స్ వంటి నీటి పారుదల పరికరాల అవసరాలను కూడా రైతుల వారీగా నమోదు చేయనున్నారు. *కోతుల బెడద నివారణకు సోలార్ ఫెన్సింగ్* జిల్లాలో కోతుల బెడద కారణంగా పంటలకు కలుగుతున్న నష్టాన్ని నివారించేందుకు సోలార్ ఫెన్సింగ్ ఏర్పాటు అవసరాలను కూడా యాప్‌లో నమోదు చేసుకునే అవకాశం కల్పించారు. ఒకే ప్రాంతంలో 25 ఎకరాలకు పైగా భూమి కలిగి ఉన్న రైతులు సమూహంగా సోలార్ ఫెన్సింగ్ ఏర్పాటుకు ఆసక్తి చూపినట్లయితే, అటువంటి భూములను ఒక సోలార్ ఫెన్సింగ్ క్లస్టర్‌గా ఏర్పాటు చేసేలా ఏఈఓలు వివరాలను నమోదు చేయనున్నారు. ఇందుకు ఆసక్తి ఉన్న రైతులు తమ గ్రామ క్లస్టర్ వ్యవసాయ విస్తరణ అధికారిని సంప్రదించి నవంబర్ 16వ తేదీ సాయంత్రం లోపు వివరాలను నమోదు చేయించుకోవాలి. కోతులు, ఇతర వన్యప్రాణుల బెడద నుంచి పంటలను రక్షించేందుకు, 25 ఎకరాల విస్తీర్ణంలో రైతుల బృందం క్లస్టర్‌గా ఏర్పడి పొద్దుతిరుగుడు, వేరుశనగ, కూరగాయలు, తదితర ప్రత్యామ్నాయ పంటల సాగుకు ముందుకు వస్తే, వారికి సోలార్ ఫెన్సింగ్ ఏర్పాటు చేసుకునేలా ప్రోత్సహించి అవసరమైన సహకారం అందించడం జరుగుతుంది. *ఉద్యానవన పంటలు, పంటల వైవిధ్యీకరణకు ప్రోత్సాహం* పంటల వైవిధ్యీకరణలో భాగంగా జిల్లాలో అధిక విస్తీర్ణంలో ఉద్యానవన పంటల సాగును ప్రోత్సహించనున్నారు. ముఖ్యంగా కూరగాయలు, టమాటా, బీరకాయ, సొరకాయ, బెండకాయ, మిరప, ఆకుకూరల సాగును ప్రోత్సహించడంతో పాటు, ఒక మీటరు కంటే తక్కువ ఎత్తు పెరిగే పంటలకు స్ప్రింక్లర్ పద్ధతిలో నీటి పారుదల సదుపాయాలను కల్పించేందుకు ప్రణాళిక రూపొందిస్తున్నారు. అదేవిధంగా మిరప, సుగంధ ద్రవ్యాలు, కలబంద తదితర పంటల సాగుకు అనువైన పంటల కలయికలను గుర్తించి రైతులను ప్రోత్సహించనున్నారు. *పశుగ్రాస విత్తనాలు, మినీ ట్రాక్టర్ల అవసరాల నమోదు* పశుసంవర్ధక శాఖ ఆధ్వర్యంలో నేపియర్ గడ్డి, పశుగ్రాస జొన్న, పశుగ్రాస మొక్కజొన్న తదితర పశుగ్రాస పంటల విత్తనాల అవసరాలను రైతుల వారీగా నమోదు చేయనున్నారు. అలాగే ఉద్యానవన శాఖకు సంబంధించిన మినీ ట్రాక్టర్ల అవసరాలను కూడా రైతుల వారీగా నమోదు చేసుకునే అవకాశం కల్పించారు. *ఆధునిక సాగు పద్ధతులపై ప్రత్యేక దృష్టి* రైతులు ఒకే పంటపై ఆధారపడకుండా తమ భూముల స్వభావం, నీటి లభ్యత, వాతావరణ పరిస్థితులకు అనుగుణంగా వివిధ పంటలను సాగు చేయాలని వ్యవసాయ శాఖ సూచిస్తోంది. ముఖ్యంగా పత్తి సాగు చేస్తున్న రైతులను పంటల మార్పిడి వైపు ప్రోత్సహిస్తూ డ్రిప్ పద్ధతిలో కూరగాయలు, మిరప సాగు చేపట్టేలా అవగాహన కల్పించనున్నారు. మొక్కజొన్న సాగులో డ్రిప్ ఇరిగేషన్, సోలార్ ఆధారిత విధానాలను ప్రోత్సహించడంతో పాటు, పొద్దుతిరుగుడు సాగులో డ్రిప్ ఇరిగేషన్ మరియు సోలార్ ఫెన్సింగ్ ఏర్పాటుకు ప్రాధాన్యత ఇవ్వనున్నారు. జీరో టిల్లేజ్ విధానంలో మొక్కజొన్న, పప్పుధాన్యాల సాగు, కలబంద సాగు, డ్రిప్ ఇరిగేషన్‌తో పసుపు, అల్లం సాగును ప్రోత్సహించనున్నారు. *రైతులు ఈ అవకాశాన్ని సద్వినియోగం చేసుకోవాలి: జిల్లా కలెక్టర్ సందీప్ కుమార్ ఝా– రైతులు తమకు అవసరమైన పంటల రకాలు, సాగు విస్తీర్ణం, నీటి పారుదల పరికరాలు, సోలార్ ఫెన్సింగ్, పశుగ్రాస విత్తనాలు, మినీ ట్రాక్టర్లు, తదితర వ్యవసాయ అవసరాల వివరాలను నిర్ణీత గడువులోగా తమ గ్రామ క్లస్టర్ వ్యవసాయ విస్తరణ అధికారుల ద్వారా ఆన్‌లైన్ యాప్‌లో నమోదు చేయించుకోవాలని సూచించారు. రైతులందరూ ఈ అవకాశాన్ని సద్వినియోగం చేసుకోవాలని కోరారు. పంటల వైవిధ్యీకరణ, ఆధునిక సాగు పద్ధతుల అమలు, వివిధ శాఖల సమన్వయంతో రైతులకు అవసరమైన సదుపాయాలను కల్పించడం ద్వారా రైతుల ఆదాయాన్ని పెంపొందించడం, సాగు ఖర్చులను తగ్గించడం, స్థిరమైన వ్యవసాయ అభివృద్ధిని సాధించడం ఈ కార్యక్రమ ప్రధాన లక్ష్యమని పేర్కొన్నారు. ఆరుతడి పంటల రైతులకు ప్రోత్సాహం: డీఏఓ అంబికా సోనీ– రైతులు ఈ సీజన్‌లో ఎట్టి పరిస్థితుల్లో వరి సాగు చేయవద్దు. నీటి వనరులకు అనుగుణంగా ఆరుతడి పంటలు సాగు చేయాలి. ఎల్‌నినో ప్రభావం తీవ్రంగా ఉన్నందున రైతులు వరికి ప్రత్యామ్నాయ పంటలే సాగు చేయాలి.

జనగాం

వేరు లేనిదెక్కడి వృక్షం? ఇంటిని నిలబెట్టే ఇల్లాలి త్యాగం :సోమ సుబ్బరాజు స్టోరీ రైటర్, ఏ ఐ సాఫ్ట్వేర్ ఇంజనీర్

వేర్లు లేనిదెక్కడి వృక్షం? – ఇంటిని నిలబెట్టే ఇల్లాలి (Homemaker) త్యాగం ———————————————————– భూమి తనపై నడిచే ప్రతి ప్రాణి బరువును మోస్తూ, విత్తనాన్ని మొలకెత్తించి పంటనిస్తుంది. కానీ ఎప్పుడూ తన కష్టాన్ని చెప్పుకోదు. ఇల్లాలు కూడా భూమాత లాగే కుటుంబ సభ్యులందరి అవసరాలను తీరుస్తూ, ఇంటిని ఒక అందమైన తోటలా తీర్చిదిద్దుతుంది. ఒక మహావృక్షం పూలు పూసినా, ఫలాలు ఇచ్చినా అందరికీ పైకి కనిపించే కొమ్మలే గుర్తుంటాయి. కానీ నేల లోపల ఉండి నీటిని, పోషకాలను అందించే వేర్లు (Roots) ఎవరికీ కనిపించవు. బయట పనిచేసే భర్త కొమ్మల లాంటివాడైతే, ఇంటిని నిలబెట్టే భార్య ఆ చెట్టు వేర్ల లాంటిది. వేర్లు బలంగా ఉంటేనే చెట్టు పచ్చగా ఉంటుంది. సూర్యుడు ప్రతిరోజూ వెలుగునిచ్చినా, గాలి ప్రాణవాయువును అందించినా వాటికి ఎలాంటి ప్రతిఫలం ఆశించవు. ఇల్లాలి ప్రేమ కూడా అంతే స్వచ్ఛమైనది, నిస్వార్థమైనది.

జనగాం

ముగిసిన రాష్ట్ర స్థాయి అండర్ 14 సెపక్రా క్రీడలు

ముగిసిన రాష్ట్రస్థాయి అండర్-14 సెపక్త్రా క్రీడలు ——————————————————— జిల్లా కేంద్రంలోని స్థానిక మినీ స్టేడియంలో రాష్ట్ర పాఠశాలల 70వ క్రీడా పోటీల్లో భాగంగా నిర్వహించిన అండర్-14 బాలబాలికల (జూనియర్స్) సెపక్త్రా పోటీలు విజయవంతంగా ముగిశాయి. *జిల్లా కలెక్టర్ సందీప్ కుమార్ ఝా* పర్యవేక్షణలో గురువారం ప్రారంభమైన ఈ పోటీలు, శుక్రవారం హోరాహోరీగా ఫైనల్ మ్యాచ్‌లతో ముగిశాయి. ఉమ్మడి పది జిల్లాల నుంచి బాలికల, బాలుర జట్లు ఈ పోటీల్లో ఉత్సాహంగా పాల్గొన్నాయి. పోటీల విజేతలు బాలికల విభాగం: వరంగల్ – ప్రథమ స్థానం నిజామాబాద్ జిల్లా – ద్వితీయ స్థానం మహబూబ్ నగర్ – తృతీయ స్థానం బాలుర విభాగం: నల్గొండ జిల్లా – ప్రథమ స్థానం ఆదిలాబాద్ జిల్లా – ద్వితీయ స్థానం మహబూబ్ నగర్ జట్టు – మూడో స్థానం విజేతలకు జనగామ మున్సిపల్ ఛైర్పర్సన్ కడకంచి బాలమణి బహుమతులు అందజేశారు. జాతీయస్థాయి పోటీలకు ఎంపికైన క్రీడాకారులు ఈ పోటీలలో ప్రతిభ కనబరిచిన క్రీడాకారులు జాతీయ స్థాయి పోటీలకు ఎంపికయ్యారు: బాలురు: కె. రిషిగ్యాన్ (నల్గొండ) సీహెచ్ హరీశ్ (ఆదిలాబాద్) ఆర్. గణేష్ (రంగారెడ్డి) ఇమ్మాన్యుయిల్ (మహబూబ్ నగర్) ఎస్. ప్రణవ్ (కరీంనగర్) కె. జేగందర్ (హైదరాబాద్) కె. రేవంత్‌కుమార్ (నిజామాబాద్) బాలికలు: దేవసోత్ స్వప్న (వరంగల్) సేనావత్ శ్రీవిద్య (రంగారెడ్డి) అంజని సాత్విక (నిజామాబాద్) టి. త్రివేణి (మహబూబ్ నగర్) స్నేహకుమారి (హైదరాబాద్) మాలౌతు నందిని (వరంగల్) మంద రుత్విక (కరీంనగర్) పి. రిషిత (మెదక్) ఈ కార్యక్రమంలో డీవైఎస్ఓ నరసింహ రావు, విద్యా శాఖ ఏడీ శ్రీనివాస్, ఎస్జీఎఫ్ జిల్లా కార్యదర్శి గోర్ సింగ్, పరిశీలకుడు హరికృష్ణ, సెపక్త్రా రాష్ట్ర కమిటీ కార్యదర్శి శ్రీనివాస్ రెడ్డి, నిర్వహణ కమిటీ బాధ్యులు, వ్యాయామ ఉపాధ్యాయులు, తదితరులు పాల్గొన్నారు.

జనగాం

రాహుల్ గాంధీ భారత్ సమ్మిట్ను వ్యతిరేకిస్తూ బిజెపి నల్ల బ్యాడ్జిల తో నిరసన :సౌడ రమేష్ బిజెపిజిల్లా అధ్యక్షులు

ఈరోజు భారతీయ జనతా పార్టీ జనగామ జిల్లా కేంద్రంలో జిల్లా అధ్యక్షులు సౌడ రమేష్ ఆధ్వర్యంలో భారత్ సమ్మిట్ కార్యక్రమానికి హైదరాబాదుకు రాహుల్ గాంధీ రావడానికి వ్యతిరేకిస్తూ నల్ల జెండాలు నల్ల బ్యాడ్జీలతో చౌరస్తాలో నిరసన తెలపడం జరిగింది. ఈ సందర్భంగా జిల్లా అధ్యక్షులు సౌడ రమేష్ మాట్లాడుతూ భారత్ సమ్మేట్ తెలంగాణ కాంగ్రెస్ ప్రభుత్వం 100 కోట్లతో తెలంగాణ ప్రజల డబ్బును దుర్వినియోగం చేస్తున్నారని భారత్ వ్యతిరేక శక్తులతో ఆటంక వాదులతో ఈ ఈ కార్యక్రమం నిర్వహిస్తున్నారని రాహుల్ గాంధీ తెలంగాణ ప్రభుత్వం భారత్ వ్యతిరేక శక్తులను కూడగట్టుకొని దేశ సార్వభౌమాధికారాన్ని దెబ్బతీయాలని చూస్తున్నారని దేశంలో అస్థిర ధన సృష్టించి విచ్ఛిన్నకర శక్తులను ప్రోత్సహించి దేశ భద్రతను ఆటంకపరచాలని కాంగ్రెస్ చూస్తున్నదని భారతీయ జనతా పార్టీ ఉండగా కాంగ్రెస్ ఆటలు సాగవని దేశాన్ని అస్థిర పరచాలని చూసే దేశద్రోహులను తరిమికొట్టాలని క్షమించేది లేదని ఆ పార్టీలకు ప్రజలు తగిన సమయంలో తగిన మూల్యం చెల్లిస్తారని వారు తెలిపారు.ఈ కార్యక్రమంలో ఈ కార్యక్రమంలో బిజెపి రాష్ట్ర అధికార ప్రతినిధి ఆరుట్ల దశమంత రెడ్డి రాష్ట్ర కార్యవర్గ సభ్యులు విద్యాసాగర్ రెడ్డి రాష్ట్ర నాయకులు ఉడుగుల రమేష్ శివరాజ్ యాదవ్ సీనియర్ నాయకులు అంకుగారు శశిధర్ రెడ్డి జిల్లా ప్రధాన కార్యదర్శులు తోకల ఉమారాణి ఆయిలోని అంజిరెడ్డి జిల్లా ఉపాధ్యక్షులు లక్ష్మారెడ్డి దేవర ఎల్లయ్య మహిళా మోర్చా అధ్యక్షురాలు సాంబ జీవనజ్యోతి యువ మోర్చా అధ్యక్షులు తెల్లబోయిన హరీష్ పట్టణ అధ్యక్షులు బొమ్మ కంటి అనిల్ దూల్మిట్ట అధ్యక్షులు కోడం యాదగిరి మద్దూరు అధ్యక్షులు ఉదయ్ రెడ్డి ప్రధాన కార్యదర్శి పెద్దోజు జగదీష్ మెడికల్ సెల్ జిల్లా కన్వీనర్ డాక్టర్ వెంకటేశ్వర్లు మహిళా మోర్చా నాయకురాలు కళ్యాణి రమాదేవి కదుగాయి రమేష్ ఓబీసీ మోర్చా నాయకులు రాజ్ కుమార్ తదితరులు పాల్గొన్నారు

జనగాం

ఐ ఎం ఎస్ ఏ, ఇండియన్ మెమోరి గ్రాడ్యుయేట్ డే సర్టిఫికెషన్ కార్యక్రమం దిగ్విజయం

ఐ ఎం ఎస్ ఐ,ఇండియన్ మెమొరీ స్పోర్ట్స్ అకాడమీ హైదరాబాద్ జె ఎన్ టి యు లో నిర్వహించిన 17 వ ఇండియన్ నేషనల్ ఓపెన్ మెమోరి ఛాంపియన్షిప్ గ్రాడ్యుయేట్సర్టిఫికెట్ కార్యక్రమం విజవంతం అయ్యిందని ఐ ఎం ఎస్ ఏ జనగామ జిల్లా ప్రతినిధి రేణుకుంట్ల మురళి తెలిపారు. ఈ సందర్బంగా మాట్లాడుతూ 14 నవంబర్ శనివారం జె ఎన్ టి యు లో నిర్వహించిన 17 వ ఇండియన్ మెమోరి ఛాంపియన్షిప్ మెమోరి శిక్షణ లో ప్రపంచంలో అనేక గిన్నిస్ రికార్డులు సృష్టించిన స్క్వాడ్రన్ లీడర్ ఐ ఎం ఎస్ ఏ,అధినేత జయసింహ చేతుల మీదుగా చే గ్రాడ్యుయేట్ సర్టిఫికేషన్ పొందడం జరిగిందని తెలిపారు.సర్టిఫికేషన్ పొందిన వారిలో భావనకమల్ కుమార్, హేమసుమ శ్రీ,, స్వామినాథ్,కమల్ కుమార్,రాజేష్ కుమార్, రేణుకుంట్ల మురళి ఉన్నారని తెలిచేసారు.మెమోరి శిక్షణ కార్యక్రమంలో పూర్తి సహాయ సహకారం సలహాలు, సూచనలు ఇచ్చిన స్క్వేడ్రాన్ లీడర్ జయసింహా సర్, డాక్టర్ శిరీష మేడం,అయ్యప్ప సర్, డాక్టర్ శ్రీనివాస్,సునిల్ కార్యక్రమం చాలాచక్కగా నిర్వహించిన నిర్వహకులకు కృతజ్ఞతలు తెలిపారు

జనగాం

రన్ ఫర్ గ్రీన్ లో భాగంగానిర్వహించిన 5కె రన్ లో విజేత గా శాడ రవి :

“వాస్విక్ ఫౌండేషన్” ఏడవ వార్షికోత్సవ సంబరాల లో భాగంగా జనగామ బతుకమ్మ కుంటలో “రన్ ఫర్ గ్రీన్” లో భాగంగా “5K రన్” నిర్వహించడం జరిగింది దీనిలో దాదాపు వెయ్యిమంది పాల్గొన్నారు. ప్రభుత్వ ఉపాధ్యాయునిగా ఐదు కిలోమీటర్ల విభాగంలో పాల్గొని విజేతగా నిలిచినందుకు వాసవి ఫౌండేషన్ వారి తరఫున ప్రశంసా పత్రం, మెడల్, శాలువాతో సన్మానించడం జరిగింది. ఈ సందర్భంగా బాలాజీ గ్రూప్ సభ్యులు వారిని అభినందిస్తూ ఘనంగా సత్కరించారు. ఈ సందర్భాన్ని పురస్కరించుకొని బాలాజీ గ్రూప్ కన్వీనర్ బుర్ర రమేష్ మాట్లాడుతూ ప్రకృతి పరిరక్షణ ధ్యేయంగా సాగిన ఈ రన్నులో శాడ రవి పాల్గొనడం అభినందనీయమని ఇటువంటి స్ఫూర్తిదాయకమైన మరెన్నో కార్యక్రమాలలో పాల్గొని యువతకు స్ఫూర్తి కావాలని పేర్కొన్నారు. ఈ కార్యక్రమంలో పసునూరి సోమరాజు, నరసింహచారి, కొండ శ్రీనివాస్ దోసపాటి శ్రీనివాస్, భీమా నాయక్, కిరణ్ కుమార్, స్థానికే సత్తయ్య మరియు సాంబరాజు తదితరులు పాల్గొన్నారు

జనగాం

వల్లెపు చామంతి హామర్ త్రో లో జాతీయ స్థాయి పోటీలకు ఎంపిక

ఆటలను కెరీర్ గా మలుచుకోవాలి *ధర్మ కంచ పాఠశాల విద్యార్థి జాతీయస్థాయి కి ఎంపిక* – కనకయ్యGHM విద్యార్థులకు చదువుతో పాటు ఆరోగ్యంగా ఉండడానికి ,భవిష్యత్తు కెరీర్ ను మలుచుకోవడానికి ఆటలు ప్రధాన పాత్ర పోషిస్తాయని ప్రధానోపాధ్యాయులు కనకయ్య అన్నారు పీఎం శ్రీ ధర్మకంచ పాఠశాల విద్యార్థి వల్లెపు చామంతి హామరు త్రో లో జాతీయ స్థాయి పోటీలకు ఎంపికైన సందర్భంగా విద్యార్థినిని అభినందిస్తూ శాలువా తో సన్మానం చేసి జాతీయస్థాయి పోటీలలో పాల్గొనుటకు ఖర్చులకు గాను రూపాయలు రెండు వేలు (2000 )లను అందజేసారు, అనంతరం మాట్లాడుతూ, విద్యార్థులంతా చదువు ,తో పాటు ఆటలపైన దృష్టి పెట్టాలని , కెరీర్ గా మలుచుకోవాలని ,ఆటల ప్రావీణ్యం సాధించిన వారికి ఉద్యోగాలలో ప్రాధాన్యత ఉంటుందని తెలిపారు ,విద్యార్థిని అభినందించిన వారిలో పాఠశాల ఉపాధ్యాయులు భూపతి ,కరుణ ,అనిత ,శ్రీనివాసులు ,చంద్రశేఖర్ రావు , లక్ష్మీ తహెరా మసూద్ ,లింగం , నిర్మల విజయకుమార్ ,ఉమాదేవి ,లలిత ,, సతీష్,మహేందర్ మంగ , తదితరులు పాల్గొన్నారు

జనగాం

రైతు జన కవనం లో “రైతుకు కలాల మద్దతు “శీర్షిక కవితా గానం చేసిన కవి మాన్యపు భుజేందర్

రైతు జన కవనంలో రైతుకు కళాల మద్దతు తెలిపిన కవి మాన్యపు భుజేందర్ —————————————————————– అఖిలభారత రైతు సంఘం జాతీయ మహాసభల సందర్భంగా దేశానికి అన్నం పెడుతున్న రైతన్నలకు సంఘీభావంగా నల్లగొండలోని టీఎన్జీవో భవన్లో బుధవారం రోజున తెలంగాణ సాహితీ, ప్రజానాట్యమండలి, ఏఐకేఎస్ నిర్వహణలో రైతు జనకవనం జరిగింది. రైతు కవి గాయక సమ్మేళనానికి ఆహ్వాన సంఘం ఆహ్వానించగా జనగామ జిల్లా పాలకుర్తి మండలం బమ్మెర గ్రామానికి చెందిన కవి కళాకారుడు, పోతన సాహిత్య కళావేదిక అధ్యక్షులు మాన్యపు భుజేందర్ జన కవనం లో పాల్గొని “రైతుకు కలాల మద్దతు” అనే శీర్షికతో కవితా గానం చేయగా నిర్వాహకులు చిరు సన్మానం చేశారు. ఈ కార్యక్రమానికి కే ఆనందచారి, కట్టా నరసింహ అధ్యక్షత వహించగా ముఖ్య అతిథిగా ప్రసిద్ధ కవి రచయిత నందిని సిద్ధారెడ్డి, విశిష్ట అతిథిగా తెలంగాణ సాహిత్య అకాడమీ సంచాలకులు ఏనుగు నరసింహారెడ్డి, అతిధులు ఉరిమిళ్ళ సునంద, డా” సుంకి రెడ్డి నారాయణరెడ్డి, డా ” కృష్ణ కౌండిన్య, మేరెడ్డి యాదగిరి రెడ్డి, మునాసు వెంకట్, బైరెడ్డి కృష్ణారెడ్డి, పగడాల నాగేందర్, గడ్డం నాగార్జున, వేముల ఆనంద్, ఏబూసి నరసింహ కపిల రామ్ కుమార్, కృష్ణ రాష్ట్ర నలుమూలల నుండి వచ్చిన కవి గాయకులు తదితరులు పాల్గొన్నారు. భుజేందర్ మాట్లాడుతూ నవంబర్ 14 నుండి 18 వ తేదీ వరకు నల్లగొండలో జరిగే అఖిలభారత జాతీయ మహాసభలను విజయవంతం చేయాలని, అన్నదాతలకు మద్దతుగా కవి, గాయకులు, కళాకారులు, యువజనులు, శ్రామికులు అందరూ మద్దతు తెలపాలని కోరారు.

జనగాం

చెకుముకి సైన్స్ సంబురాలు -2026 పోస్టర్ ఆవిష్కరించిన రాష్ట్ర కార్యదర్శి ఆకుల శ్రీనివాస్,డాక్టర్ వంశీ

చెకుముకి సైన్స్ సంబురాలు – 2026 పోస్టర్ ఆవిష్కరించిన రాష్ట్ర కార్యదర్శి ఆకుల శ్రీనివాసరావు, డాక్టర్ వంశీ గారు జనగామ జిల్లా జన విజ్ఞాన వేదిక తెలంగాణ ప్రతి సంవత్సరం నిర్వహిస్తున్న చెకుముకి సైన్స్ టాలెంట్ టెస్ట్ -2026 గోడ పత్రికను రాష్ట్ర కార్యదర్శి ఆకుల శ్రీనివాసరావు,డాక్టర్ వంశీ గారి చేతుల మీదుగా జన విజ్ఞాన వేదిక జిల్లా కార్యాలయం జనగామలో ఆవిష్కరించడం జరిగింది. ఈ సందర్భంగా జన విజ్ఞాన వేదిక రాష్ట్ర కార్యదర్శి ఆకుల శ్రీనివాసరావు,జనగామ జిల్లా అధ్యక్షులు రాసాల బాలరాజు, జిల్లా ప్రధాన కార్యదర్శి గుండె కనకయ్య వివరాలు తెలియజేస్తూ చెకుముకి సైన్స్ టాలెంట్ టెస్ట్ ని ఈ సంవత్సరం కూడా పాఠశాల స్థాయి, మండల, జిల్లా, రాష్ట్రస్థాయిలో నిర్వహించడం జరుగుతుందని, ఈ టెస్ట్ లో పాల్గొనటం వల్ల విద్యార్థులలో సైన్స్ పట్ల అభిరుచి, శాస్త్రీయ దృక్పథాన్ని పెంపొదించవచ్చని తెలిపారు. జిల్లాలోని అన్ని యాజమాన్యాల పాఠశాలలలోని 8,9,10 తరగతులు చదివే విద్యార్థులు పాల్గొనాలని పిలుపునిచ్చారు. ఈ చెకుముకి సైన్స్ టాలెంట్ టెస్ట్ నాలుగు దశలలో జరుగుతుందని పాఠశాల స్థాయిలో నవంబర్ 12న, మండల స్థాయిలో నవంబర్ 21న, జిల్లా స్థాయిలో నవంబర్ 28న, రాష్ట్ర స్థాయిలో డిసెంబర్ 11,12,13 తేదీలలో మూడు రోజులపాటు CMR ఇన్స్టిట్యూట్ ఆఫ్ మెడికల్ సైన్సెస్ కండ్లకోయ మేడ్చల్ రోడ్ హైదరాబాద్ నందు నిర్వహించడం జరుగుతుందని, మండల విద్యాధికారులు, ప్రధానోపాధ్యాయులు, ఉపాధ్యాయులు విజయవంతంగా సైన్స్ టాలెంట్ టెస్ట్ నిర్వహణలో సహకరించాలని కోరారు. చెకుముకి ప్రశ్నపత్రాలు కావలిసిన వారు ఆయా మండలాల చెకుముకి కన్వీనర్ లను సంప్రదించాలని పేర్కొన్నారు. పూర్తి సమాచారం కోసం క్రింది మొబైల్ నెంబర్ లను  9346402030, 9951253676,9553242383 తెలియజేసారు. ఈ కార్యక్రమంలో జన విజ్ఞాన వేదిక  జిల్లా బాధ్యులు పెట్లోజు శోభన్ బాబు, బానోతు రవీందర్, కాలూరి ఆంజనేయ చారి,సానికె సత్తయ్య, మాసాన్పల్లి లక్ష్మణ్ జి, గూడెల్లి కృష్ణ తదితరులు పాల్గొన్నారు.

జనగాం

ఉద్యోగులకు ప్రభుత్వం ఇచ్చిన హామీలు వెంటనే అమలు చేయాలి :డి. శ్రీనివాస్ టి పి టి ఎఫ్ రాష్ట్ర ఉపాధ్యక్షులు

ఉద్యోగులకు ప్రభుత్వం ఇచ్చిన హామీలు వెంటనే అమలు చేయాలి.* —- టిపిటిఎఫ్ డిమాండ్ *PRC ని వెంటనే అమలు చేయాలి *CPS రద్దు కొరకు వెంటనే కమిటీ వేయాలి.* టిపిటిఎఫ్ జనగామ మండల సర్వ సభ్య సమావేశం మండల అధ్యక్షులు ఎం. గణేష్ అధ్యక్షులు అధ్యక్షతన నేడు ఉమాపతి భవన్ లో జరిగింది. ఈ కార్యక్రమానికి ముఖ్య అతిథిగా హాజరైన టిపిటిఎఫ్ రాష్ట్ర ఉపాధ్యక్షులు డి. శ్రీనివాస్ మాట్లాడుతూ రెండు నెలల క్రితం ఉద్యోగ ఉపాధ్యాయ జాయింట్ యాక్షన్ కమిటీ కీ ప్రభుత్వం ఇచ్చిన హామీలు వెంటనే అమలు చేయాలని డిమాండ్ చేశారు. ప్రభుత్వం జె ఎ సి కి ఇచ్చిన హామీలలో కేవలం రెండు డి ఎ లు విడుదల చేయడం తప్ప ఇతర హామీలను ఇప్పటివరకు అమలు చేయకపోవడం విచారకరమని అన్నారు. పీఆర్సీ రిపోర్ట్ వెంటనే తెప్పించుకుని అమలు చేస్తామని హామీ ఇచ్చినప్పటికీ, ఇప్పటికీ పీఆర్సీ రిపోర్ట్ పై అతి గతి లేదని మండి పడ్డారు. సి పి ఎస్ విధానం రద్దుకు కమిటీ వేస్తామన్నారు, కానీ దాని ప్రస్తావనే లేదు. కావున ప్రభుత్వం ఇప్పటికైనా స్పందించి ఇచ్చిన హామీలు వెంటనే నెరవేర్చాలని డిమాండ్ చేశారు. జిల్లా అధ్యక్ష ప్రధాన కార్యదర్శులు ఎన్ ఎన్ రాజు, ఎండి. అంకుశావళి మాట్లాడుతూ ప్రభుత్వం ఉద్యోగ ఉపాధ్యాయులను చిన్న చూపు చూస్తోందని అన్నారు. ఈ సమావేశంలో టిపిటిఎఫ్ జనగామ మండల నూతన కమిటీను ఏకగ్రీవంగా ఎన్నుకోవడం జరిగింది. జనగామ మండల అధ్యక్షునిగా యం. గణేష్, ప్రధాన కార్యదర్శిగా యం. శివ కుమార్ ఉపాధ్యక్షులు గా యం.రమేష్, వసంత, గోవర్ధన్, సత్తిరెడ్డి, కార్యదర్శులుగా రవికుమార్, శ్రీనివాస్ సంబరాజు, స్వరూప, ఎల్ .విజయ్ కుమార్ జిల్లా కౌన్సిలర్స్ గా జి.శ్రీనివాస్, సత్యవర్ధన్ రెడ్డి, మధు, శారదమ్మ, ఉమాదేవి, శ్రీధర్ లు ఎన్నికయ్యారు. ఈ కార్యక్రమంలో జిల్లా కమిటీ సభ్యులు ఏ రాజా రెడ్డి, శారదమ్మ, వజ్రయ్య యు.శ్రీహరి, మండల కమిటీ సభ్యులు సత్యవర్ధన్ రెడ్డి,, మధు, సాంబరాజు , వై శ్రీనివాస్, శివ తదితరులు పాల్గొన్నారు.