సహజ వనరులు, ప్రజల సంపదను కార్పొరేట్లకు దోచిపెట్టి, పర్యావరణాన్ని నాశనం చేసే విధానాలు అనుసరిస్తున్న ప్రభుత్వ చర్యలను భగత్ సింగ్ స్పూర్తితో పోరాడి తిప్పికొడతామని గ్రీన్ విశాఖ కోశాధికారి జి కాంతారావు అన్నారు. భగత్ సింగ్ జయంతి సందర్భంగా సోమవారం ఆర్ కె బీచ్ లోని ఆయన విగ్రహానికి గ్రీన్ విశాఖ ఉపాధక్ష్యులు డాక్టర్ రఘు, హెచ్ ఆర్ ఎఫ్ నాయకులు అనురాధ పూలమాల వేశారు. పర్యావరణ, తాగునీటి సమస్యలు పెంచే డేటా సెంటర్ల అనుమతులు రద్దు చేసే వరకు పోరాడుతామని కాంతారావు తెలిపారు. అభివృద్ధి పేరుతో విశాఖలో జరుగుతున్న విధ్వంసం నిలువరించడానికి ప్రజలందరూ కలిసి పోరాడాలని అన్నారు. ప్రకృతిని, పర్యావరణాన్ని కాపాడుకోవాలన్నారు. ఈ కార్యక్రమంలో గ్రీన్ విశాఖ ప్రతినిధులు కె తిరుపతిరావు, హెచ్ ఆర్ ఎఫ్ నాయకులు సుధ తదితరులు పాల్గొన్నారు.
