యలమంచిలి ఆగష్టు 28(పున్నమి రిపోర్టర్) :
యలమంచిలి మండల వైఎస్సార్సీపీ పార్టీ అధ్యక్షుడిగా బెజవాడ నాగేశ్వరరావును నియమించినట్లు మాజీ ఎమ్మెల్యే, నియోజకవర్గ సమన్వయకర్త కరణం ధర్మశ్రీ తెలిపారు. ఈ సందర్భంగా ధర్మశ్రీ, జిల్లా పార్టీ అధ్యక్షుడు బొడ్డెపు ప్రసాద్లు నాగేశ్వరరావును శాలువాతో సత్కరించి అభినందించారు. నాగేశ్వరరావు గతంలో రెండుసార్లు యలమంచిలి మార్కెట్ కమిటీ చైర్మన్గా, మున్సిపల్ వైస్ చైర్మన్గా బాధ్యతలు నిర్వహించారు. ఆయన రాజకీయ అనుభవం, పార్టీకి చేసిన సేవలను గుర్తించి ఈ బాధ్యతలు అప్పగించినట్లు ధర్మశ్రీ తెలిపారు. పార్టీ కోసం కష్టపడే నాయకులు, కార్యకర్తలకు వైఎస్సార్సీపీ ఎల్లప్పుడూ గుర్తింపు, గౌరవం కల్పిస్తుందని అన్నారు. ఈ కార్యక్రమంలో మాజీ ఎంపీపీ బోదెపు గోవిందు, రాష్ట్ర పంచాయతీ విభాగం సెక్రటరీ ఎర్రయ్య దొర, రూరల్ పార్టీ అధ్యక్షుడు త్రినాథ్, కౌన్సిలర్లు, సీనియర్ నాయకులు, కార్యకర్తలు పాల్గొన్నారు.
నూతన అధ్యక్షులను సన్మానిస్తున్న మాజీ ప్రభుత్వ విప్