జాతీయ కుటుంబ ఆరోగ్య సర్వే (NFHS) మరియు ఇతర ఆరోగ్య నివేదికల ప్రకారం, భారతదేశంలో రక్తహీనత (Anemia) అత్యంత తీవ్రమైన మరియు విస్తృతమైన ప్రజా ఆరోగ్య సమస్యగా కొనసాగుతోంది. ఇది కేవలం ఒక వ్యక్తిగత ఆరోగ్య సమస్య మాత్రమే కాకుండా, దేశ మానవ వనరుల అభివృద్ధి, విద్యా సామర్థ్యం, పని ఉత్పాదకత మరియు తల్లి-శిశు ఆరోగ్యంపై తీవ్ర ప్రభావం చూపుతోంది.
భారతదేశంలో రక్తహీనత పరిస్థితి (గణాంకాలు):
“(NFHS-5, 2019–21)”
* ప్రతి ఇద్దరు మహిళల్లో ఒకరికి రక్తహీనత ఉంది.
* ప్రతి ముగ్గురు చిన్న పిల్లల్లో ఇద్దరికి రక్తహీనత ఉంది.
* ప్రతి నలుగురు పురుషుల్లో ఒక్కరికి రక్తహీనత ఉంది.
ప్రతి ఇద్దరు గర్భిణుల్లో ఒకరికి రక్తహీనత ఉంది.
రక్తహీనత నివారణకు తీసుకోవాల్సిన ముఖ్యమైన చర్యలు:
1. పోషకాహారంలో మార్పులు (సమతులాహారం)
ఐరన్ సమృద్ధిగా ఉండే ఆహారం: ప్రతిరోజూ ఆకుకూరలు (పాలకూర, తోటకూర, మునగాకు), పప్పుధాన్యాలు, తృణధాన్యాలు (మిల్లెట్స్), మొలకెత్తిన గింజలు, బెల్లం మరియు ఖర్జూరం తీసుకోవాలి.
2.విటమిన్-సి (Vitamin C) ప్రాధాన్యం: శరీరంలోని ఐరన్ను పూర్తిగా గ్రహించడానికి నిమ్మరసం, ఉసిరికాయ, నారింజ, జామ వంటి విటమిన్-సి అధికంగా ఉండే పదార్థాలను భోజనంతో పాటు తీసుకోవాలి.
3.టీ, కాఫీలకు దూరం: భోజనం చేసిన వెంటనే టీ లేదా కాఫీ తాగకూడదు. వీటిలోని టానిన్లు ఐరన్ శోషణను అడ్డుకుంటాయి. భోజనానికి కాఫీకి మధ్యలో కనీసం 1 నుండి 2 గంటల వ్యవధి ఉండాలి.
4.డీవార్మింగ్: నులిపురుగుల నివారణ కొరకు ప్రతి 6 నెలలకు ఒకసారి అల్బెండజోల్ (Albendazole) మాత్రను వేసుకోవాలి.
5..పాదరక్షలు ధరించడం: ఖాళీ పాదాలతో నేలపై తిరగడం వల్ల హుక్వార్మ్ లార్వాలు చర్మం ద్వారా శరీరంలోకి ప్రవేశిస్తాయి. ఎల్లప్పుడూ చెప్పులు లేదా బూట్లు ధరించాలి.
6.చేతుల శుభ్రత: భోజనానికి ముందు మరియు మరుగుదొడ్డికి వెళ్లి వచ్చిన తర్వాత సబ్బుతో చేతులు శుభ్రంగా కడుక్కోవాలి.
7. ప్రభుత్వ సప్లిమెంట్లు మరియు పరీక్షలు
అనీమియా ముక్త్ భారత్: ప్రభుత్వాలు, అంగన్వాడీలు మరియు ప్రాథమిక ఆరోగ్య కేంద్రాల (PHC) ద్వారా అందించే ఐరన్ మరియు ఫోలిక్ యాసిడ్ (IFA) సప్లిమెంట్లను క్రమం తప్పకుండా వాడాలి.
రక్తహీనత నిశ్శబ్దంగా దేశాన్ని బలహీనపరుస్తున్న సమస్య. సరైన పోషకాహారం, పరిశుభ్రత పాటిస్తూ ఈ సమస్యను పరిష్కరించుకుందాం.
