శ్రావణ శోభలో లక్ష్మీదేవి అమ్మవారి దివ్య అభిషేకం

వేచలం శ్రీ సీతారామాలయంలో శ్రావణమాస పంచామృత అభిషేకం – భక్తులకు ఆహ్వానం వేచలం ఆగస్ట్ 19 వేచలమ్ దర్శిని: అనకాపల్లి జిల్లా దేవరాపల్లి మండలం వేచలం గ్రామంలోని శ్రీ సీతారామాలయంలో శ్రావణమాసాన్ని పురస్కరించుకుని శ్రీ లక్ష్మీదేవి అమ్మవారికి పంచామృత అభిషేకం, విశేష అలంకరణ కార్యక్రమాలను భక్తిశ్రద్ధలతో నిర్వహించనున్నారు. ఆగస్టు 20, 2026 గురువారం తెల్లవారుజామున 5:30 గంటలకు అమ్మవారికి పంచామృతాలతో విశేష అభిషేకం నిర్వహించి, అనంతరం ప్రత్యేక అలంకరణ చేయనున్నారు. ఈ సందర్భంగా ఆలయంలో ప్రత్యేక పూజా కార్యక్రమాలు నిర్వహించనుండటంతో ఆధ్యాత్మిక వాతావరణం నెలకొననుంది. శ్రావణమాసంలో అమ్మవారిని దర్శించుకుని పూజలు నిర్వహించడం శుభప్రదమని భక్తుల విశ్వాసం. ఈ నేపథ్యంలో వేచలం గ్రామంతో పాటు పరిసర ప్రాంతాల భక్తులు పెద్ద సంఖ్యలో పాల్గొని అమ్మవారి ఆశీస్సులు పొందాలని ఆలయ నిర్వాహకులు కోరారు. కావున భక్తులందరూ కుటుంబ సమేతంగా విచ్చేసి శ్రీ లక్ష్మీదేవి అమ్మవారి పంచామృత అభిషేకం, విశేష అలంకరణను దర్శించుకుని ఈ దివ్య కార్యక్రమంలో పాల్గొనవలసిందిగా ఆలయ నిర్వాహకులు ప్రార్థించారు. తేదీ: 20-08-2026 సమయం: తెల్లవారుజామున 5:30 గంటలకు స్థలం: శ్రీ సీతారామాలయం, వేచలం గ్రామం, దేవరాపల్లి మండలం, అనకాపల్లి జిల్లా