మహారాష్ట్ర ఉప ముఖ్యమంత్రి ఏక్నాథ్ షిండే రాష్ట్రాన్ని దేశ ఆర్థిక వృద్ధికి ప్రధాన కేంద్రంగా అభివర్ణించారు. ముంబైలో నిర్వహించిన మౌలిక సదుపాయాల సదస్సులో మాట్లాడిన ఆయన, ముంబై-ఎంఎంఆర్ ప్రాంతాన్ని 1.5 ట్రిలియన్ డాలర్ల ఆర్థిక వ్యవస్థగా తీర్చిదిద్దే లక్ష్యంతో ప్రభుత్వం పనిచేస్తోందన్నారు. స్లమ్ రహిత ముంబై నిర్మాణం ప్రభుత్వ లక్ష్యమని కూడా స్పష్టం చేశారు.
ఈ సమావేశంలో ముంబై మున్సిపల్ కమిషనర్ అశ్విని భిడే, పలువురు మంత్రులు, విదేశీ ప్రతినిధులు, పరిశ్రమల ప్రముఖులు పాల్గొన్నారు. రాష్ట్ర అభివృద్ధికి మౌలిక వసతులు, రహదారులు, మెట్రో, పోర్టులు, గృహ నిర్మాణ ప్రాజెక్టులు కీలకమని పేర్కొన్నారు.
మహారాష్ట్ర ఇప్పటికే పరిశ్రమలు, సేవా రంగం, ఐటీ రంగాల్లో ముందంజలో ఉందని, భవిష్యత్తులో మరింత పెట్టుబడులు ఆకర్షించేలా చర్యలు తీసుకుంటామని తెలిపారు. నగరాల్లో నివాస సమస్యలు పరిష్కరించడం, ట్రాఫిక్ తగ్గించడం, పర్యావరణ పరిరక్షణపై ప్రత్యేక దృష్టి పెట్టనున్నట్లు చెప్పారు. ఈ ప్రకటనలతో రాష్ట్రంలో భారీ మౌలిక సదుపాయాల ప్రాజెక్టులకు ఊతం లభించే అవకాశముందని విశ్లేషకులు అభిప్రాయపడుతున్నారు.
