అరకులోయ ప్రభుత్వ డిగ్రీ కళాశాలలో జాతీయ సేవ పథకం ఆధ్వర్యంలో ప్రభుత్వం ఉత్తర్వుల మేరకు హర్ గర్ తిరంగా కార్యక్రమంలో భాగంగా పార్ట్నర్స్ ఇన్ నేషనల్ బిల్డింగ్ (దేశ నిర్మాణంలో భాగస్వాములు) కార్యక్రమం బుధవారం నిర్వహించారు. కళాశాలపై మువ్వన్నెల జెండాను ఎగురవేశారు. ప్రభుత్వం నిర్దేశించిన *…అనే నేను వీడియో క్యాంపెయిన్* లో భాగంగా అందరూ కలిసి ప్రతిజ్ఞ చేశారు. విద్యార్థులు దేశ నిర్మాణంలో భాగస్వాములు కావాలని ప్రిన్సిపల్ డా సిహెచ్ కేశవరావు పిలుపునిచ్చారు. కళాశాల వైస్ ప్రిన్సిపల్ కె నిర్మల ఎన్ఎస్ఎస్ పిఓలు వై విజయలక్ష్మి, బి లచ్చన్న, అధ్యాపకులు, ఎన్ఎస్ఎస్ వాలంటీర్లు పాల్గొన్నారు.
