హైదరాబాద్

వ్యాఖ్యలను వెనక్కి తీసుకుంటున్నా: తాతా మధు

తాను అనని మాటలను తనకు ఆపాదిస్తున్నారని ఎమ్మెల్సీ తాతా మధు అన్నారు. తెలంగాణ భవన్‌లో మీడియాతో మాట్లాడుతూ తమ ఎమ్మెల్యేలు, ఎమ్మెల్సీలపై పోలీసులు దాడి చేశారని ఆరోపించారు. తన డొక్కలో పోలీసులు పిడిగుద్దులు గుద్దినా తాను ఏమీ మాట్లాడలేదన్నారు. అసహనంతో తాను అనని మాటలను స్పీకర్‌కు ఆపాదించారని పేర్కొన్నారు. తాను చేసిన వ్యాఖ్యలు స్పీకర్‌ను ఉద్దేశించినట్లు భావిస్తే వాటిని వెనక్కి తీసుకుంటున్నానన్నారు. ప్రజలచే ఎన్నుకోబడిన ఎమ్మెల్యేలు, మహిళా శాసనసభ్యులపై పోలీసులు దాడి చేశారని ఆరోపించారు. మహిళా ఎమ్మెల్యేలపై జరిగిన ఘటనకు హోంశాఖ మంత్రి రేవంత్ రెడ్డి క్షమాపణ చెప్పాలని డిమాండ్ చేశారు. మిగిలిన విషయాలను రేపు కౌన్సిల్‌లో మాట్లాడతానన్నారు.