నంద్యాల

నంద్యాలలో రాష్ట్రస్థాయి అనస్థీషియా సదస్సు బ్రోచర్ ఆవిష్కరణ

​వచ్చే ఏడాది సెప్టెంబర్‌ 24, 25, 26 తేదీల్లో నంద్యాల శాంతిరాం వైద్య కళాశాలలో 36వ రాష్ట్రస్థాయి అనస్థీషియా వైద్యుల సదస్సు నిర్వహించనున్నట్లు నిర్వాహకులు తెలిపారు. మంగళవారం ఈ సదస్సు ప్రథమ సమాచార బ్రోచర్‌ను శాంతిరాం విద్యాసంస్థల చైర్మన్‌ డాక్టర్‌ మిద్దె శాంతిరాముడు ఆవిష్కరించారు. ​ఇండియన్‌ సొసైటీ ఆఫ్‌ అనస్థీషియాలాజిస్ట్స్‌ AP శాఖ ఆధ్వర్యంలో జరగనున్న ఈ సదస్సుకు దేశ, విదేశాల నుంచి సుమారు 700 మంది వైద్య నిపుణులు హాజరవుతారని, అనస్థీషియా రంగంలోని ఆధునిక విధానాలపై అవగాహన కల్పిస్తారని నిర్వాహక కమిటీ చైర్మన్ డాక్టర్ రవికృష్ణ, కార్యదర్శి డాక్టర్ మధుసూదన రెడ్డి పేర్కొన్నారు. ఈ కార్యక్రమంలో కళాశాల ప్రిన్సిపల్‌ డాక్టర్‌ వసంత చౌహాన్‌, వైద్యులు పాల్గొన్నారు.