గంగారంలో హోప్ ఫౌండేషన్ ఆధ్వర్యంలో ఘనంగా అన్నదానం
3,500 మందికి పైగా నిరుపేదలు, వృద్ధులు, కూలీలకు అన్నప్రసాదం గంగారం: సేవే పరమావధిగా ముందుకు సాగుతున్న హోప్ ఫౌండేషన్ ఆధ్వర్యంలో గంగారంలోని ఫౌండేషన్ కార్యాలయంలో శనివారం ఘనంగా అన్నదాన కార్యక్రమం నిర్వహించారు. ఈ సందర్భంగా స్థానిక నిరుపేదలు, వృద్ధులు, కూలీలు తదితరులు కలిపి 3,500 మందికి పైగా అన్నప్రసాదాన్ని అందించారు. పేదల ఆకలి తీర్చడమే లక్ష్యంగా హోప్ ఫౌండేషన్ ఆధ్వర్యంలో ప్రతి వారం సేవా కార్యక్రమాలను నిర్వహిస్తున్నట్లు నిర్వాహకులు తెలిపారు. కార్యక్రమానికి పెద్ద సంఖ్యలో స్థానికులు హాజరై అన్నప్రసాదాన్ని స్వీకరించారు. ఈ సందర్భంగా హోప్ ఫౌండేషన్ అధ్యక్షులు కొండ విజయ్ కుమార్ మాట్లాడుతూ.. “ఆకలితో ఎవరూ నిద్రపోకూడదనే ఉద్దేశంతో ప్రతి శనివారం అన్నదాన కార్యక్రమాన్ని నిర్వహిస్తున్నాం. పేదలు, నిరుపేద కుటుంబాలకు అండగా నిలవడమే మా ఫౌండేషన్ ప్రధాన లక్ష్యం. భవిష్యత్తులో ఇలాంటి సేవా కార్యక్రమాలను మరింత విస్తృతంగా చేపడతాం” అని తెలిపారు. అన్నదాన కార్యక్రమం నిర్వహిస్తున్న హోప్ ఫౌండేషన్ సేవలను స్థానిక ప్రజలు అభినందించారు. సేవా కార్యక్రమంలో ఫౌండేషన్ సభ్యులు, నిర్వాహకులు, స్థానికులు తదితరులు పాల్గొన్నారు.
vishnumurthy83- August 22, 2026
- 0 Comments
- 16 Views
-
