జనగాం

కమ్ముకున్న నల్లటి మేఘాలు.. సముద్రాలలో ఉదయాన్నే కురిసిన అకస్మాత్తు వర్షం

జనగామ జిల్లా స్టేషన్‌ఘన్‌పూర్‌ మండలం సముద్రాల గ్రామంలో ఉదయం అకస్మాత్తుగా నల్లటి మేఘాలు కమ్ముకోవడంతో వాతావరణం ఒక్కసారిగా చీకటిపడింది. ఉదయం సమయంలోనే దట్టమైన మేఘాలతో వెలుతురు తగ్గి సాయంత్రం వాతావరణం తలపించింది. ఆ వెంటనే ఈదురుగాలులతో కూడిన వర్షం దంచి కొట్టింది. ఈ అకస్మాత్తు వాన ఎండ తీవ్రతకు అల్లాడిపోతున్న పంటలకు జీవం పోసి, పొలాలను పచ్చదనంతో కళకళలాడేలా చేయడంతో రైతన్నల మొఖాల్లో ఆనందం వెల్లివిరిసింది.