కనిగిరిలో రెట్టింపు సొమ్ము వ్యవహారంపై పోలీసుల లోతైన దర్యాప్తు…ఎంత సొమ్ము ఎక్కడికి వెళ్లింది?

కనిగిరి: రెట్టింపు సొమ్ము ఆశ చూపిన వ్యవహారంలో రూ.40 కోట్లకు పైగా లావాదేవీలు జరిగినట్లు గతంలో వెలుగులోకి వచ్చిన నేపథ్యంలో పోలీసులు దర్యాప్తును మరింత లోతుగా కొనసాగిస్తున్నట్లు సమాచారం. అసలు ఎంత మొత్తం సేకరించారు? ఎవరెవరు సొమ్ము చెల్లించారు? గతంలో ఎవరెవరు రెట్టింపు మొత్తాన్ని పొందారు? ప్రస్తుతం ఆ నగదు ఎవరి వద్ద ఉంది? ఎంత మొత్తాన్ని రికవరీ చేయాల్సి ఉంది? అనే అంశాలపై పోలీసులు ప్రత్యేకంగా దృష్టి సారించినట్లు తెలుస్తోంది. స్కాం వెలుగులోకి రాకముందు రెట్టింపు సొమ్ము పొందిన వారి జాబితాలను పోలీసులు పరిశీలిస్తున్నట్లు సమాచారం. పాస్టర్ పురుషోత్తం, ఆయన కుమారుడు సుకుమార్‌ను విచారించి గతంలో లబ్ధి పొందిన వారి వివరాలను సేకరిస్తున్నట్లు తెలుస్తోంది. జాబితాలో ఉన్న కొందరి ఇళ్లకు వెళ్లి పోలీసులు స్వయంగా ఆరా తీస్తున్నట్లు సమాచారం. ఎంత సొమ్ము చెల్లించారు? ఎంత తిరిగి పొందారు? ప్రస్తుతం ఆ మొత్తాన్ని ఏ విధంగా వినియోగించారు? అనే వివరాలను తెలుసుకుంటున్నట్లు తెలుస్తోంది. అయితే గతంలో రెట్టింపు సొమ్ము పొందిన వారిలో కొందరు తిరిగి డబ్బులు ఇవ్వడానికి ఇష్టపడటం లేదని సమాచారం. మరికొందరు తమకు రెట్టింపు మొత్తం వచ్చినప్పటికీ తిరిగి అదే సంస్థలో పెట్టుబడిగా పెట్టినట్లు చెబుతున్నట్లు తెలుస్తోంది. ఇందుకు సంబంధించి కొందరు రసీదులు చూపిస్తున్నట్లు సమాచారం. దీంతో అసలు నగదు ప్రవాహం ఏ విధంగా సాగింది? ఒకరి నుంచి మరొకరి వద్దకు ఎంత మొత్తం వెళ్లింది? అనే అంశాలను తేల్చేందుకు పోలీసులు మరింత లోతుగా వివరాలు సేకరిస్తున్నట్లు తెలుస్తోంది. మరోవైపు డబ్బులు రెట్టింపు అవుతాయనే ఆశతో పలువురు అప్పులు చేసి ఈ వ్యవహారంలో సొమ్ము పెట్టినట్లు సమాచారం. కొందరు వడ్డీకి అప్పులు తెచ్చి డబ్బులు చెల్లించగా, మరికొందరు బంగారు ఆభరణాలను కుదువ పెట్టి సొమ్ము సమకూర్చినట్లు తెలుస్తోంది. ఇంకొందరు వ్యవసాయ భూములను కుదువ పెట్టి అప్పులు తీసుకుని డబ్బులు పెట్టినట్లు సమాచారం. ప్రస్తుతం పెట్టిన సొమ్ము తిరిగి అందకపోవడంతో ఆయా కుటుంబాలు తీవ్ర ఆందోళనలో ఉన్నట్లు తెలుస్తోంది. ఈ నేపథ్యంలో కనిగిరి సీఐ ఉప్పు శ్రీనివాసులు ప్రజలను అప్రమత్తం చేస్తున్నట్లు సమాచారం. తక్కువ సమయంలో డబ్బులు రెట్టింపు చేస్తామని, అధిక లాభాలు ఇస్తామని ఎవరైనా ఆశ చూపితే నమ్మి పెద్ద మొత్తంలో నగదు ఇవ్వవద్దని ఆయన సూచించినట్లు సమాచారం. అప్పులు చేసి, బంగారం కుదువ పెట్టి, ఆస్తులను తాకట్టు పెట్టి ఇలాంటి వ్యవహారాల్లో డబ్బులు పెట్టి నష్టపోవద్దని హెచ్చరించినట్లు తెలుస్తోంది. అనుమానాస్పదంగా నగదు సేకరణ జరుగుతున్నా, అధిక లాభాల పేరుతో ఎవరైనా డబ్బులు అడిగినా వెంటనే పోలీసుల దృష్టికి తీసుకురావాలని సీఐ సూచించినట్లు సమాచారం. శనివారం పాస్టర్ పురుషోత్తం నివాసం వద్ద, సమీపంలోని చర్చి పరిసరాల్లో పోలీసులు పలుమార్లు ఆరా తీసినట్లు తెలుస్తోంది. డబ్బుల రికవరీకి సంబంధించిన అంశాలపై ప్రత్యేకంగా దృష్టి సారించినట్లు సమాచారం. గత లబ్ధిదారుల వివరాలు, రసీదులు, నగదు లావాదేవీలను పరిశీలిస్తూ మొత్తం సొమ్ము ప్రవాహాన్ని గుర్తించేందుకు దర్యాప్తు కొనసాగిస్తున్నట్లు తెలుస్తోంది. రూ.40 కోట్లకు పైగా లావాదేవీలు జరిగినట్లు సమాచారం నేపథ్యంలో ఈ వ్యవహారంలో అసలు సొమ్ము ఎంత? ఎంతమందికి రెట్టింపు మొత్తాలు అందాయి? ప్రస్తుతం ఎంత నగదు ఎక్కడ ఉంది? ఎంత మొత్తాన్ని రికవరీ చేయాల్సి ఉంది? అనే అంశాలపై పోలీసుల దర్యాప్తు కొనసాగుతోంది. గత లబ్ధిదారుల నుంచి వివరాలు సేకరిస్తుండటంతో ఈ వ్యవహారంలో నగదు ప్రవాహంపై మరింత స్పష్టత వచ్చే అవకాశం ఉన్నట్లు తెలుస్తోంది.