బిజెపి మనుబోలు మండల నూతన అధ్యక్షుడుగా ఓడూరు శ్రీనివాసులు రెడ్డి

31-05-2020మనుబోలు ( పున్నమి ప్రతినిధి)తిరుపతి పార్లమెంట్ జిల్లా అధ్యక్షుడు శ్రీ.సన్నారెడ్డి దయాకర్ రెడ్డి గారి అధ్యక్షతన మనుబోలు మండలం గోవిందరాజపురం గ్రామంలో బిజెపి మండల స్థాయి సమావేశం జరిగింది. ఈ సమావేశంలో మనుబోలు మండల బిజెపి అధ్యక్షుడిగా ఓడూరు శ్రీనివాసులురెడ్డి ని ఏకగ్రీవంగా ఎన్నుకోవడం జరిగింది.ఈ సమావేశంలో నూతన అధ్యక్షుడు మాట్లాడుతూ మండల స్థాయిలో బిజెపి పార్టీ బలోపేతానికి శక్తివంచన లేకుండా కృషి చేస్తానని తెలిపారు తనను బిజెపి మండల అధ్యక్షుడిగా ఏకగ్రీవంగా ఎన్నుకోవడం పట్ల నాయకులకు కార్యకర్తలకు తన కృతజ్ఞతలు తెలియజేశారు . ఈ కార్యక్రమంలో బిజెపి జిల్లా నాయకులు బోలా శ్రీనివాసులు మాట్లాడుతూ నాయకులు అందరం కలిసికట్టుగా భారతీయ జనతా పార్టీని మనుబోలు మండలం లో గ్రామస్థాయిలో బలోపేతం చేస్తామని తెలియజేశారు. ఈ కార్యక్రమంలో బిజెపి మనుబోలు మండల ప్రధాన కార్యదర్శి పట్నం వీర ప్రతాప్ మరియు మనుబోలు మండల బిజెపి నాయకులుచల్లా లక్ష్మయ్య ,దగ్గవోలు రామిరెడ్డి ,ముప్పవరపు చిన్న, ఇరగ రాజ అంకయ్య మరియు కార్యకర్తలు పాల్గొన్నారు.

మినగల్లు సేవాసమితి ఆధ్వర్యంలో 300కుటుంబాలకు కూరగాయలు కోడిగుడ్లు పంపిణీ..

31-05-2020 బుచ్చిరెడ్డిపాలెం (పున్నమి విలేఖరి – జి.పి.ప్రవీణ్) బుచ్చిరెడ్డిపాలెం మండలం మినగల్లు గ్రామంలో షుమారు 300కుటుంబాలకు కూరగాయలు, కోడిగుడ్లను పంపిణీ చేశారు. ఈ కార్యక్రమంలో భాగంగానే త్రాగు నీరు, మజ్జిగ చలివేంద్రం కూడా ప్రారంభోత్సవం జరిగింది. మినగల్లు సేవాసమితి ఆధ్వర్యంలో జరిగిన ఈ కార్యక్రమానికి గ్రామానికి చెందిన వైసీపీ నాయకుడు వెంకటరమణ దాతగా వ్యవహరించారు. చలివేంద్రం ప్రారంభించిన అనంతరం వెంకటరమణ మాట్లాడుతూ లాక్ డౌన్ కారణంగా ఇబ్బందులు ఎదుర్కొంటున్న పేదలను ఆదుకోవాలనే ఉద్దేశ్యంతో ఈ కార్యక్రమం చేపట్టామని.. భవిష్యత్తులో సైతం మరిన్ని సేవా కార్యక్రమాలు చేపడతామని చెప్పారు. కార్యక్రమంలో వైసిపి నాయకులు అమర్నాథ్ రెడ్డి, శేఖర్, ఏకొల్లు శ్రీనివాసులు, గ్రామస్తులు, తదితరులు పాల్గొన్నారు

గర్భిణీ స్త్రీలకు పౌష్టికాహారం పంపిణీ చేసిన ఎం.పి. చింతా. అనూరాధ అమలాపురం, మే 31,2020 (పున్నమి విలేఖరి) రక్త హీనత లేకుండా గర్భిణీ స్త్రీలు క్రమం తప్పకుండా పౌష్టికాహారాన్ని తీసుకోవాలని అమలాపురం పార్లమెంట్ సభ్యురాలు శ్రీమతి చింతా అనూరాధ సూచించారు.రాష్ట్ర ముఖ్యమంత్రి వైఎస్ జగన్ మోహన్ రెడ్డి ముఖ్యమంత్రిగా ప్రమాణస్వీకారం చేసి ఈ రోజుకు సంవత్సర కాలం పూర్తి అయిన సందర్భంగా మామిడికుదురు మండలం పాసర్లపూడి గ్రామంలో పి.గన్నవరం శాసన సభ్యులు కొండేటి చిట్టిబాబు తో కలిసి గర్భిణీ స్త్రీలకు పౌష్టికాహారం ఎం.పి. చింతా.అనురాధ పంపిణీ చేశారు. ఈ కార్యక్రమంలో నగరం ఏ.ఎం.సి. చైర్మెన్ కొమ్ముల కొండలరావు తదితరులు పాల్గొన్నారు.

వెంకటేశ్వర ఆలయంలో ధన్వంతరి యాగం

వెంకటేశ్వర ఆలయంలో ధన్వంతరి యాగం పలమనేరు మే31,2020(పున్నమి విలేకరి ): పలమనేరు రూరల్ మండలం గొల్లపల్లి గ్రామంలోని తిరు వెంకట నగరిలో శ్రీ వేంకటేశ్వరస్వామివారి ఆలయం నందు జ్యేష్టాభిషేక పూజలను అత్యంత వైభవంగా మూడు రోజుల పాటు నిర్వహించారు ఇందులో భాగంగా ఆదివారం ఉదయం ధన్వంతరియాగము ,సుదర్శన్ హోమాన్ని అత్యంత వైభవంగా నిర్వహించారు. అనంతరం మహాపూర్ణాహుతి చేసి మంగళ హారతులతో స్వామి వారి యాగాన్ని పరిసమాప్తం చేశారు. పవిత్ర కలశాల్లోని జలాలను శ్రీచక్ర ఆళ్వార్లకు నాగదేవతలకు కుంభ అభిషేకాన్ని నిర్వహించి పూజలను ఘనంగా జరిపారు. సామాజిక దూరం పాటిస్తూ లాక్డౌన్ నిబంధనలతో ఆలయ అర్చకులురంగనాథ ఆచార్యులు ధర్మకర్తల కమిటీ కొద్దిమందితో మాత్రమే పూజా కైంకర్యాలను నిర్వహించారు అనంతరం రంగనాథ ఆచార్యులు మాట్లాడుతూ తిరుమల తిరుపతి దేవస్థానం వారి సహాయ సహకారాలతో నిర్మించిన ఈ ఆలయం దినదిన అభివృద్ధి చెందుతూని పాంచరాత్ర ఆగమశాస్త్ర ప్రకారం పూజా కైంకర్యాలను క్రమం తప్పకుండా నిర్వహిస్తున్నట్లు తెలిపారు. టిటిడి వారి సహాయ సహకారానికి గ్రామస్తులు తరఫున ఆలయ అర్చకులు కృతజ్ఞతలు తెలిపారు