*___ అంగన్వాడి సేవలను వినియోగించుకోవాలి* *___ సివిల్ సప్లై కార్పొరేషన్ డైరెక్టర్ మాలకొండయ్య*

కాకినాడ జిల్లా ప్రతినిధి,అక్టోబర్ 2(పున్నమి న్యూస్):
కేంద్ర ప్రభుత్వం ఆధ్వర్యంలో నిర్వహిస్తున్న అంగన్వాడి ప్రాజెక్టులు సేవలను వినియోగించుకోవాలని రాష్ట్ర సివిల్ సప్లైస్ కార్పొరేషన్ డైరెక్టర్ ఎనిమిరెడ్డి మాలకొండయ్య సూచించారు. అంగన్వాడి ఉత్సవాల్లో భాగంగా శుక్రవారం వెంకట నగర్లోని 148, 60 నెంబర్ గల అంగన్వాడి కేంద్రాల ఆధ్వర్యంలో ఈ ఉత్సవాన్ని వెంకట నగర్లో ఉన్న స్కూలులో నిర్వహించారు. ముందుగా అంగన్వాడి వర్కర్ బండారు భవాని అంగన్వాడి కేంద్రంలో అందుతున్న సేవలను, పథకాలను హాజరైన చిన్నారుల తల్లులకు వివరించారు.
ఈ సందర్భంగా మాలకొండయ్య మాట్లాడుతూ కేంద్రంలోని బీజేపీ ప్రభుత్వం ఎన్నో రకాల పథకాలు ప్రవేశపెట్టిందన్నారు. చిన్నారులు, గర్భిణీలు పోషకాహారాన్ని అందిస్తుందని వాటిని సద్వినియోగపరచుకోవాలని చెప్పారు. అలాగే కేంద్రంలో అందించే గర్భిణీలకు, శిశువులకు గుడ్లు,పాలు, పౌష్టికాహారం తీసుకోవాలన్నారు.
ఇంకా ఈ కార్యక్రమంలో బీజేపీ అంగన్వాడి సేవా ఉత్సవం ఇంచార్జ్ దిలీప్ కుమార్ సదనాని, నాయకులు కెంగం హరి, అంగన్వాడి సూపర్వైజర్ అరుణశ్రీ, వర్కర్ జి ఈశ్వరి హెల్పర్లు ఏ దేవి జి రాణి తదితరులు పాల్గొన్నారు.