బొబ్బిలి: ప్రశాంత వాతావరణంలో వినాయక నిమజ్జనం నిర్వహించాలి

బొబ్బిలి: వినాయక నిమజ్జనాన్ని ప్రశాంత వాతావరణంలో నిర్వహించాలని పట్టణ సీఐ కె. నారాయణరావు మల్లమ్మపేట ఉత్సవ కమిటీ సభ్యులను కోరారు. శనివారం రాత్రి మల్లమ్మపేట వినాయక మండపం వద్ద ఉత్సవ కమిటీ సభ్యులతో సమావేశం నిర్వహించారు. ఈ సందర్భంగా సీఐ మాట్లాడుతూ నిమజ్జనం సందర్భంగా ఎలాంటి గొడవలు, అల్లర్లు జరగకుండా ప్రతి ఒక్కరూ సహకరించాలని సూచించారు. మద్యం సేవించి గొడవలకు పాల్పడితే కేసులు నమోదు చేసి చట్టపరమైన చర్యలు తీసుకుంటామని హెచ్చరించారు. నిమజ్జన కార్యక్రమాన్ని భక్తిశ్రద్ధలతో, శాంతియుతంగా నిర్వహించాలని కోరారు.