చిట్వేల్, సెప్టెంబర్ 19: చిట్వేల్ మండల పరిధిలో ఖాళీగా ఉన్న అంగన్వాడీ కార్యకర్తల పోస్టుల భర్తీకి నోటిఫికేషన్ జారీ అయింది. చిట్వేల్ పరిధిలోని ఒకటో కేంద్రం (ఎస్సీ-1), గరుగుపల్లి కేంద్రం (ఓసీ)లో ఒక్కో పోస్టు చొప్పున మొత్తం రెండు ఖాళీలు ఉన్నట్లు అధికారులు వెల్లడించారు.
21 నుంచి దరఖాస్తుల స్వీకరణ
అర్హత కలిగిన అభ్యర్థులు ఈ నెల 21వ తేదీ నుంచి అక్టోబర్ 1వ తేదీ సాయంత్రం 5 గంటల వరకు దరఖాస్తులు సమర్పించాల్సి ఉంటుంది. నోటిఫికేషన్లో పేర్కొన్న అర్హతలు, నిబంధనలకు అనుగుణంగా దరఖాస్తులు చేసుకోవాలని అధికారులు సూచించారు.
చిట్వేల్ ఐసీడీఎస్ ప్రాజెక్టు ఆధ్వర్యంలో
ఈ మేరకు చిట్వేల్ సమగ్ర శిశు అభివృద్ధి పథకం ప్రాజెక్టు అధికారి నోటిఫికేషన్ జారీ చేశారు. ఖాళీ పోస్టుల భర్తీ ప్రక్రియను నిబంధనల ప్రకారం నిర్వహించనున్నట్లు తెలిపారు.
