ఆనందపురంలో ఉచిత – టీబి పరీక్షలు

టీబీ ముక్త్ భారత్ అభియాన్ 2.0లో భాగంగా హ్యాండ్‌హెల్డ్ ఛాతీ ఎక్స్‌రే పరీక్షలు విశాఖపట్నం జిల్లా, ఆనందపురం (పున్నమి ప్రతినిధి) సెప్టెంబర్ 16 :: టీబీ ముక్త్ భారత్ అభియాన్ 2.0 కార్యక్రమంలో భాగంగా ఆనందపురం ప్రాథమిక ఆరోగ్య కేంద్రంలో ప్రజలకు ఉచిత హ్యాండ్‌హెల్డ్ ఛాతీ ఎక్స్‌రే వైద్య పరీక్షలు నిర్వహించారు. క్షయ నివారణ అధికారి డాక్టర్ రమేశ్ ఆదేశాల మేరకు నిర్వహించిన ఈ కార్యక్రమం పీహెచ్‌సీ వైద్యాధికారి డాక్టర్ భాను ఆధ్వర్యంలో జరిగింది. ఈ సందర్భంగా ప్రజలకు టీబీ వ్యాధిపై అవగాహన కల్పిస్తూ, వ్యాధిని ప్రారంభ దశలోనే గుర్తించడం ద్వారా సకాలంలో చికిత్స పొందే అవకాశం ఉంటుందని వైద్య సిబ్బంది వివరించారు. కార్యక్రమంలో టీబీ సూపర్‌వైజర్లు సురేశ్, వీరబ్రహ్మం, అనుష, కృష్ణ పాల్గొని పరీక్షల నిర్వహణలో సేవలందించారు. ప్రజలు ఆరోగ్యంపై అప్రమత్తంగా ఉండాలి దగ్గు, జ్వరం, బరువు తగ్గడం వంటి టీబీ అనుమానిత లక్షణాలు కనిపించినప్పుడు నిర్లక్ష్యం చేయకుండా సమీపంలోని ప్రభుత్వ ఆరోగ్య కేంద్రాన్ని సంప్రదించాలని వైద్య సిబ్బంది సూచించారు.