నెల్లూరు రూరల్ ఎమ్మెల్యే కార్యాలయంలో ముఖ్యమంత్రి చంద్రబాబు నాయుడు 2023 సెప్టెంబర్ 9న అరెస్టైన ఘటనను గుర్తుచేసుకుంటూ 53 కొవ్వొత్తులతో నిరసన కార్యక్రమం నిర్వహించారు. రూరల్ ఎమ్మెల్యే కోటంరెడ్డి శ్రీధర్ రెడ్డి, ఎమ్మెల్సీ బీద రవిచంద్ర, టీడీపీ రాష్ట్ర అధికార ప్రతినిధి కోటంరెడ్డి గిరిధర్ రెడ్డి పాల్గొన్నారు. అప్పటి వైఎస్సార్సీపీ ప్రభుత్వం రాజకీయ కక్షతో చంద్రబాబును అరెస్ట్ చేసిందని వారు ఆరోపించారు. స్కిల్ డెవలప్మెంట్ ద్వారా యువతకు ఉపాధి అవకాశాలు కల్పించడమే ఆయన చేసిన పనని పేర్కొన్నారు. చంద్రబాబు అరెస్టును ప్రపంచవ్యాప్తంగా తెలుగు ప్రజలు ఖండించారని తెలిపారు. కార్యక్రమంలో టీడీపీ నాయకులు, కార్యకర్తలు పాల్గొన్నారు.
