ఓయమ్మ నీ కుమారుడు…

క.
ఉట్టి పయినున్న వెన్నల
గుట్టగ తాగొంచు బోయి గోప్యముగ తినన్
బట్టున్ దొరకడె మా బ్రతు
కెట్టా కడ వెళ్ళునమ్మ ఇట్టాగయినన్!!

క.ముద్దిమ్మని బలిమిని మా
ముద్దియ చేనున్న వెన్నముద్దలు గొనె నీ
ముద్దుల బాలుడు నీకిది
ముద్దయినన్ కొమ్మ మాకు ముద్దటవమ్మా?

క.
కమ్మని వెన్నను గూరిచి
అమ్మ యశోదకు తెలుపగ “అమ్మా! నను న
మ్మమ్మా నే తినలేదని”
ముమ్మని కూర్చుండి బుంగ మూతిని బెట్టెన్!!

– శశి శర్మ బొల్లాప్రగడ, శతావధాని.