మమతా బెనర్జీ నివాసంలో CID సోదాలు

పశ్చిమ బెంగాల్ మాజీ ముఖ్యమంత్రి మమతా బెనర్జీ కోల్‌కతాలోని నివాసంలో CID అధికారులు మంగళవారం సోదాలు నిర్వహించారు. తృణమూల్ కాంగ్రెస్‌కు చెందిన ఇద్దరు ఎమ్మెల్యేల సంతకాలు నకిలీ చేశారనే ఆరోపణలపై నమోదైన కేసు దర్యాప్తులో భాగంగా ఈ చర్య చేపట్టినట్లు అధికారులు తెలిపారు. మమతా నివాస చిరునామానే పార్టీ కార్యాలయంగా కూడా ఉపయోగించబడుతుండటంతో అక్కడ తనిఖీలు చేపట్టినట్లు పేర్కొన్నారు. తృణమూల్ కాంగ్రెస్ నేతలు ఈ సోదాలను రాజకీయ కక్షసాధింపుగా అభివర్ణిస్తూ తీవ్రంగా ఖండించారు. మమతా బెనర్జీపై ఎటువంటి FIR లేదని, ఆమెను సాక్షిగా కూడా పిలవలేదని పార్టీ వర్గాలు పేర్కొన్నాయి. మరోవైపు రాష్ట్ర ప్రభుత్వ ప్రతినిధులు చట్టం ముందు అందరూ సమానమేనని వ్యాఖ్యానించారు. ఈ కేసులో ఇప్పటికే పలువురు నేతలకు సమన్లు జారీ కాగా, దర్యాప్తు కొనసాగుతోంది.