ఆంధ్రప్రదేశ్ రాష్ట్రంలో పరిపాలనా విభజన మరోసారి చర్చకు వచ్చింది. ప్రస్తుతం రాష్ట్రంలో ఉన్న 26 జిల్లాలను 32 జిల్లాలుగా విస్తరించే ప్రతిపాదనపై ప్రభుత్వం ఆలోచనలో ఉంది. కొత్తగా ఏర్పడే జిల్లాలు — రంపచోడవరం, పలాస, అమరావతి, మార్కాపురం, గూడూరు, మరియు మదనపల్లిగా సూచించారు. ప్రజలకు ప్రభుత్వ సేవలు మరింత చేరువ కావడం, పరిపాలనను సమర్థవంతంగా నిర్వహించడం, అభివృద్ధి వేగవంతం చేయడం లక్ష్యంగా ఈ ప్రతిపాదన రూపొందించినట్లు సమాచారం. కొత్త జిల్లాల రూపకల్పనకు సంబంధించిన భౌగోళిక పరిమితులు, జనాభా, మౌలిక సదుపాయాలు, ఆదాయ వనరులు వంటి అంశాలపై అధికారులు పరిశీలన జరుపుతున్నారు. తుది నివేదిక సిద్ధమైన తర్వాత ప్రభుత్వ స్థాయిలో ఆమోదం పొందే అవకాశం ఉంది. ఈ నిర్ణయం అమల్లోకి వస్తే, రాష్ట్రంలో పరిపాలనా పటంలో మరో చారిత్రాత్మక మార్పు చోటు చేసుకోనుంది.
కొత్తగా ఆరు జిల్లాల ఏర్పాటుకు ప్రతిపాదనలు.. ఇవే
1️⃣ రంపచోడవరం
2️⃣ పలాస
3️⃣ అమరావతి
4️⃣ మార్కాపురం
5️⃣ గూడూరు
6️⃣ మదనపల్లి
