వైకాపా కార్యకర్త మాతృమూర్తి పార్థివదేహానికి బియ్యపు శ్రీవాణి రెడ్డి నివాళులు

శ్రీ కాళహస్తి, ఆగస్టు 14, (పున్నమి న్యూస్): శ్రీకాళహస్తి మండలం, వేడం గ్రామానికి చెందిన వైఎస్సార్ కాంగ్రెస్ పార్టీ తీవ్ర నిరంతర సేవా కార్యకర్త వినోద్ కుమార్ మాతృమూర్తి గంగమ్మ ఇటీవల ఆకస్మికంగా మృతి చెందడం పట్ల వైఎస్సార్సీపీ శ్రేణులు తీవ్ర దిగ్భ్రాంతి వ్యక్తం చేశాయి. గంగమ్మ మరణవార్త తెలిసిన వెంటనే శ్రీకాళహస్తి నియోజకవర్గ మాజీ ఎమ్మెల్యే బియ్యపు మధుసూదన్ రెడ్డి సతీమణి, పార్టీ మహిళా నాయకురాలు బియ్యపు శ్రీవాణి రెడ్డి శుక్రవారం నాడు వేడం గ్రామంలోని వారి నివాసానికి స్వయంగా విచ్చేశారు. అక్కడ ఉంచిన గంగమ్మ పార్థివదేహానికి ఆమె పూలమాలలు వేసి ఘనంగా పవిత్ర నివాళులు అర్పించారు. అనంతరం శోకసముద్రంలో మునిగిపోయిన కార్యకర్త వినోద్ కుమార్ ను, వారి కుటుంబ సభ్యులను ఓదార్చి, గుండె నిబ్బరం కలిగి ఉండాలని ధైర్యం చెప్పారు. గంగమ్మ పవిత్ర ఆత్మకు సంపూర్ణ శాంతి చేకూరాలని భగవంతుడిని ప్రార్థిస్తూ, ఈ కష్టకాలంలో వినోద్ కుమార్ కుటుంబానికి వైఎస్సార్ కాంగ్రెస్ పార్టీ ఎల్లప్పుడూ వెన్నంటి ఉండి అన్ని విధాలా అండగా ఉంటుందని ప్రగాఢ సానుభూతిని తెలియజేశారు. ఈ సంతాప పరామర్శ కార్యక్రమంలో వైఎస్సార్సీపీ ముఖ్య నేతలు బాలారెడ్డి, భాస్కర్, రామాపురం మాతయ్య, అనిల్ కుమార్, యువరాజ్, మునుస్వామి, చంద్రశేఖర్ రెడ్డి, వెంకటస్వామి, ప్రకాశం పంతులు, ఆశాకిరణ్ లతో పాటు పెద్ద సంఖ్యలో పార్టీ కార్యకర్తలు, గ్రామస్తులు పాల్గొని గంగమ్మకు శ్రద్ధాంజలి ఘటించారు.