అకాల మరణంతో కుటుంబంలో విషాదం.. పాతర్లపాడులో నేడు అంత్యక్రియలు
తిరుమలాయపాలెం: భారతీయ జనతా పార్టీ ఖమ్మం జిల్లా కార్యదర్శి శ్రీమతి తమ్మెర రజనీ రెడ్డి గారి భర్త తమ్మెర పాపిరెడ్డి అకాల మరణం చెందారు. ఆయన మృతి వార్తతో కుటుంబ సభ్యులు, బంధువులు, స్నేహితులు, బీజేపీ నాయకులు, కార్యకర్తల్లో విషాదం నెలకొంది.
పాపిరెడ్డి మృతి పట్ల బీజేపీ ఖమ్మం జిల్లా నాయకులు తీవ్ర దిగ్భ్రాంతి వ్యక్తం చేశారు. ఆయన ఆత్మకు శాంతి చేకూరాలని ప్రార్థిస్తూ, శోకసంతప్త కుటుంబ సభ్యులకు ప్రగాఢ సానుభూతి తెలిపారు. జీవిత భాగస్వామిని కోల్పోయిన రజనీ రెడ్డి కుటుంబానికి ఈ విషాద సమయంలో ధైర్యం, మనోస్థైర్యం కలగాలని ఆకాంక్షించారు.
పాపిరెడ్డి అంత్యక్రియలు గురువారం తిరుమలాయపాలెం మండలం పాతర్లపాడు గ్రామంలోని ఆయన స్వగృహంలో నిర్వహించనున్నట్లు బీజేపీ ఖమ్మం జిల్లా నాయకులు తెలిపారు.
