ఫ్లాష్ న్యూస్: నాయుడుపేటలో రాత్రి వేళ ఓపెన్ లో ఉన్న సహకార సంఘ కార్యాలయం.*

*నాయుడుపేట (తిరుపతి జిల్లా), సెప్టెంబర్ 17
*నిబంధనలకు పాతర వేస్తూ, అధికారిక పనివేళలు ముగిసి 3 గంటలు గడిచి ప్రస్తుతం రాత్రి అవుతున్నా నాయుడుపేట పట్టణంలోని ప్రాథమిక వ్యవసాయ సహకార సంఘం లిమిటెడ్ కార్యాలయం ఇంకా తెరిచే ఉండటం అనేక ఆలోచనలకు తావునిస్తుంది. సాధారణంగా సాయంత్రానికే తాళాలు పడాల్సిన ఈ ప్రభుత్వ అనుబంధ కార్యాలయంలో, ఈ అపరాత్రి వేళ కూడా లైట్లు వెలుగుతూ అధికారులు, సిబ్బంది లోపల తిష్ట వేయడంపై స్థానిక ప్రజలు, రైతులు ముక్కున వేలేసుకుంటున్నారు. పగటిపూట రైతులు వస్తే సర్వర్లు పని చేయడం లేదంటూ, ఫైళ్లు పెండింగ్‌లో ఉన్నాయంటూ తిప్పలు పెట్టే అధికారులు, ఈ చీకటి వేళల్లో ఎవరి కోసం తలుపులు తీసి ఉంచారు? రికార్డులను తారుమారు చేసేందుకు ఏమైనా మాయాజాలం నడుస్తోందా? లేక నిధుల దారిమళ్లింపునకు సంబంధించిన గుట్టుచప్పుడు కాకుండా స్కెచ్ వేస్తున్నారా? అనే అనుమానాలు వ్యక్తమవుతున్నాయి. పారదర్శకతకు పాతరేస్తూ సాగుతున్న ఈ రాత్రి భాగోతంపై తిరుపతి జిల్లా ఉన్నతాధికారులు మరియు సహకార శాఖ అధికారులు తక్షణమే స్పందించి నిఘా పెట్టాలని, నాయుడుపేట పీఏసీఎస్ కార్యాలయంపై తక్షణ తనిఖీలు చేపట్టి బాధ్యులపై కఠిన చర్యలు తీసుకోవాలని స్థానికులు డిమాండ్ చేస్తున్నారు.*