హైదరాబాద్‌లో ఘనంగా అంతర్జాతీయ MORD శాంతి & ప్రతిభా పురస్కారాలు
హైదరాబాద్: వంశీ ఈవెంట్స్ & MORD ఫౌండేషన్ ఆధ్వర్యంలో INPACT అంతర్జాతీయ MORD శాంతి & ప్రతిభా పురస్కారాలు–2026 కార్యక్రమం శుక్రవారం అక్టోబర్ 2న హైదరాబాద్‌లోని తెలంగాణ సారస్వత పరిషత్, కింగ్ కోటి–తిలక్ రోడ్, బొంగులకుంటలో ఘనంగా నిర్వహించారు.
ఈ కార్యక్రమానికి డాక్టర్ జాటోత్ రాంచందర్ నాయక్, ప్రభుత్వ విప్, డోర్నకల్ శాసనసభ్యులు ముఖ్య అతిథిగా హాజరై కార్యక్రమంలో పాల్గొన్నారు. శాంతి, సామాజిక సేవ, ప్రతిభ, సేవా రంగాల్లో విశేషంగా కృషి చేస్తున్న వారిని గుర్తించి ప్రోత్సహించడమే ఈ పురస్కారాల ప్రధాన ఉద్దేశ్యంగా నిర్వాహకులు పేర్కొన్నారు.
కార్యక్రమంలో వివిధ రంగాలకు చెందిన పారిశ్రామికవేత్తలు, సామాజిక సేవకులు, ప్రతిభావంతులు, ప్రముఖులు పాల్గొన్నారు. ఈ సందర్భంగా డాక్టర్ జాటోత్ రాంచందర్ నాయక్ మాట్లాడుతూ సమాజ అభివృద్ధికి కృషి చేస్తున్న ప్రతిభావంతులను గుర్తించి సత్కరించడం అభినందనీయమని అన్నారు.
యువత తమ ప్రతిభను సామాజిక ప్రయోజనాలకు వినియోగిస్తూ దేశ అభివృద్ధిలో భాగస్వాములు కావాలని ఆయన సూచించారు. శాంతి, సామాజిక బాధ్యత, మానవతా విలువలను పెంపొందించే కార్యక్రమాలకు ప్రతి ఒక్కరూ సహకరించాలని పిలుపునిచ్చారు.
కార్యక్రమం సందర్భంగా పలువురు ప్రముఖులను ఘనంగా సత్కరించడంతో పాటు అంతర్జాతీయ స్థాయిలో ప్రతిభను ప్రోత్సహించే కార్యక్రమాల ప్రాధాన్యతపై నిర్వాహకులు వివరించారు. కార్యక్రమం ఆహ్లాదకర వాతావరణంలో విజయవంతంగా కొనసాగింది