“గ్రామ సుందరీకరణకు శ్రీకారం.. ఏటికొప్పాకలో ప్రత్యేక శానిటేషన్ కార్యక్రమాలు”

అనకాపల్లి జిల్లా, జూలై 23 (పున్నమి న్యూస్ రిపోర్టర్ ఆనంద్): ఏటికొప్పాక గ్రామంలో పారిశుద్ధ్యానికి ప్రాధాన్యం ఇస్తూ ప్రత్యేక శానిటేషన్ కార్యక్రమాలను చేపట్టారు. గ్రామ స్పెషల్ ఆఫీసర్, ఎమ్మార్వో, పంచాయతీ కార్యదర్శి కె. గిరి ప్రసాద్ ఆధ్వర్యంలో కూటమి నాయకులతో కలిసి గ్రామంలోని ప్రధాన వీధులు, ప్రజా ప్రదేశాల్లో పారిశుద్ధ్య పనులను పరిశీలించి, పరిశుభ్రతను మరింత మెరుగుపరిచేలా చర్యలు ప్రారంభించారు. గ్రామ ప్రజలకు పరిశుభ్రమైన వాతావరణం కల్పించడమే లక్ష్యంగా చెత్త తొలగింపు, కాలువల శుభ్రపరచడం, పరిసరాల పరిశుభ్రతపై ప్రత్యేక దృష్టి సారించినట్లు అధికారులు తెలిపారు. గ్రామ అభివృద్ధిలో పారిశుద్ధ్యం కీలకమని పేర్కొంటూ ప్రజలు కూడా తమ పరిసరాలను పరిశుభ్రంగా ఉంచేందుకు సహకరించాలని విజ్ఞప్తి చేశారు. ఈ కార్యక్రమంలో కూటమి నాయకులు, గ్రామ సిబ్బంది, పారిశుద్ధ్య కార్మికులు పాల్గొని గ్రామాన్ని పరిశుభ్రంగా, ఆదర్శ గ్రామంగా తీర్చిదిద్దేందుకు కృషి చేస్తామని తెలిపారు.