కెనడా లైఫ్‌తో బహుళ మిలియన్ యూరోల ఒప్పందం కుదుర్చుకున్న టీసీఎస్

భారత ఐటీ దిగ్గజం టాటా కన్సల్టెన్సీ సర్వీసెస్ (TCS) కెనడా లైఫ్ సంస్థతో బహుళ మిలియన్ యూరోల విలువైన దీర్ఘకాలిక సాంకేతిక సేవల ఒప్పందాన్ని కుదుర్చుకుంది. ఈ ఒప్పందం కింద కెనడా లైఫ్ యూరప్ వ్యాపారాలకు సంబంధించిన ఐటీ మౌలిక సదుపాయాలను ఆధునికీకరించడంలో టీసీఎస్ సహకరించనుంది. కృత్రిమ మేధస్సు, డిజిటల్ టెక్నాలజీలను వినియోగించి డేటా సెంటర్లు, కంప్యూటింగ్ వ్యవస్థలు, సాఫ్ట్‌వేర్ నిర్వహణను మెరుగుపరచనున్నారు. ఈ భాగస్వామ్యం ద్వారా సంస్థ సేవల నాణ్యత పెరగడంతో పాటు వ్యాపార సామర్థ్యం కూడా మెరుగుపడుతుందని అంచనా వేస్తున్నారు. భారత ఐటీ రంగానికి ఇది మరో కీలక అంతర్జాతీయ విజయంగా నిలిచింది.