విక్రమ సింహాపురి విశ్వవిద్యాలయ ఎన్‌ఎస్ఎస్ విభాగం ఆధ్వర్యంలో భారత స్వాతంత్ర్య సమరయోధుడు, సామాజిక న్యాయ పరిరక్షకుడు బాబు జగ్జీవన్ రామ్ జయంతిని ఘనంగా నిర్వహించారు.
ఈ సందర్భంగా ఫ్యాకల్టీ ఆఫ్ సైన్స్ డీన్ ఆచార్య జి. విజయ ఆనంద కుమార్ బాబు గారు బాబు జగ్జీవన్ రామ్ చిత్రపటానికి పుష్పాంజలి ఘటించి, నివాళులు అర్పించారు. అనంతరం ఆయన మాట్లాడుతూ
“బాబు జగ్జీవన్ రామ్ గారు భారతదేశ చరిత్రలో సామాజిక సమానత్వం కోసం పోరాడిన గొప్ప నాయకులు. అనేక సామాజిక వివక్షలను ఎదుర్కొంటూ, అణగారిన వర్గాల అభ్యున్నతికి తన జీవితాన్ని అంకితం చేసిన మహానుభావులు. విద్యార్థులు ఆయన జీవితం నుంచి ప్రేరణ పొందాలి. సమాజంలో హక్కుల పరిరక్షణకు కృషి చేయాలి. సమానత్వం, న్యాయం వంటి విలువలు మన దేశాన్ని అభివృద్ధి దిశగా నడిపిస్తాయి” అని పేర్కొన్నారు.
ఈ కార్యక్రమంలో ఎన్‌ఎస్ఎస్ ప్రోగ్రామ్ కోఆర్డినేటర్ డా. ఉదయ శంకర్ అల్లం, డా. అనిల్ కుమార్ పాల్గొన్నారు.
వారు తమ సందేశాల్లో బాబు జగ్జీవన్ రాం గారి జీవితంలోని ముఖ్య ఘట్టాలను విద్యార్థులతో పంచుకున్నారు. ఆయన చేసిన సేవలు, సామాజిక ఉద్యమాల పట్ల చూపిన అంకితభావం గురించి వివరించారు.
బయోటెక్నాలజీ విభాగానికి చెందిన అధ్యాపకులు, విద్యార్థులు ఈ కార్యక్రమంలో చురుకుగా పాల్గొన్నారు. మహానేత జీవితం, సందేశాలు విద్యార్థుల మనసుల్లో స్ఫూర్తిని నింపేలా ఈ కార్యక్రమం కొనసాగింది. విద్యార్థుల్లో సామాజిక న్యాయం, సమానత్వం పట్ల అవగాహన పెంపొందించేందుకు ఇది మంచి వేదికగా నిలిచింది.