వార్త ముఖ్యాంశాలు
- జగన్‌ను బిగుతుపట్టిన మద్యం కేసు: ఈడీ ఎంట్రీకి మార్గం సుగమం?
- అమరావతి, ఏప్రిల్ (పున్నమి ప్రతినిధి మాజీ ముఖ్యమంత్రి వై.ఎస్.
- జగన్మోహన్ రెడ్డి ప్రస్తుతం మద్యం కుంభకోణం కేసుతో తీవ్ర ఒడిదుడుకులు ఎదుర్కొంటున్నారు.
జగన్‌ను బిగుతుపట్టిన మద్యం కేసు: ఈడీ ఎంట్రీకి మార్గం సుగమం?
అమరావతి, ఏప్రిల్ (పున్నమి ప్రతినిధి
మాజీ ముఖ్యమంత్రి వై.ఎస్. జగన్మోహన్ రెడ్డి ప్రస్తుతం మద్యం కుంభకోణం కేసుతో తీవ్ర ఒడిదుడుకులు ఎదుర్కొంటున్నారు. గత ఎన్నికల్లో ఘోర ఓటమి తరువాత తన తిరిగి వచ్చే అవకాశాలపై దృష్టి పెట్టిన ఆయనకు, పార్టీని వీడి వెలుతురులోకి వచ్చిన విజయసాయిరెడ్డి మరింత సమస్యల బాటలో నడిపిస్తున్నాడు. అవినీతి కేసుల్లో కీలక ఆధారాలను ప్రభుత్వ దర్యాప్తు సంస్థలకు అందజేస్తూ, ముఖ్యమంత్రి జగన్‌కు సన్నిహితంగా ఉన్న నేతల ప్రమేయాన్ని నిరూపించేందుకు ప్రయత్నిస్తున్నారని సమాచారం.
ఇటీవల మద్యం కేసులో ఎంపీ మిధున్ రెడ్డి, కసిరెడ్డి వంటి ముఖ్య నేతల పేర్లు బహిర్గతమయ్యాయి. ఈ కేసులో ఇప్పటికే జరిగిన అరెస్టులు, సాక్ష్యాలు జగన్‌కు చేరువగా ఉన్నాయని భావన బలపడుతోంది. మరోవైపు, ముఖ్యమంత్రి చంద్రబాబు నాయుడు కేంద్ర హోం మంత్రి అమిత్ షా‌ను కలవడం, మద్యం కేసును ఈడీకి అప్పగించాలనే ప్రచారం వైసీపీ శ్రేణుల్లో ఆందోళనకు కారణమైంది.
వైసీపీ శ్రేణులు, నేతలు అంతర్గతంగా తీవ్ర ఆత్మవిశ్లేషణలో మునిగిపోయారు. ఇప్పటికే జగన్ పార్టీ సమావేశాల్లో చేసిన వ్యాఖ్యల ద్వారా, కేసుపై తనపై ఒత్తిడి పెరుగుతోందనే సంకేతాలు స్పష్టమవుతున్నాయి. కేంద్ర ప్రభుత్వం మద్దతు లేకుండా పోతుందనే భయం కూడా ఆయనలో స్పష్టంగా కనిపిస్తోందని విశ్లేషకులు అంటున్నారు.
ఈ కేసులో ఈడీ దర్యాప్తుకు ఆదేశాలిస్తే, జగన్ అరెస్టు తథ్యమని రాజకీయ విశ్లేషకులు భావిస్తున్నారు. రాజకీయంగా మారిన పరిణామాల నేపథ్యంలో, జగన్‌కు రాజకీయ పునరాగమనం సాధ్యమవుతుందా? అన్నది ఇప్పుడు million-dollar ప్రశ్నగా మారింది.
