చెవిరెడ్డి కి సీఎం అభినందనలు * రాజ్యసభ అభ్యర్థుల విజయంలో కీలక పాత్ర

  తిరుపతి, రాష్ట్ర ముఖ్యమంత్రి జగన్మోహన్ రెడ్డి ప్రభుత్వ విప్,చంద్రగిరి ఎమ్మెల్యే డాక్టర్ చెవిరెడ్డి భాస్కర్ రెడ్డి ని అభినందించారు. రాష్ట్రంలో నాలుగు రాజ్యసభ స్థానాలకు జరిగిన ఎన్నికల్లో ప్రణాళిక బద్దంగా వ్యవహరించి అభ్యర్థుల విజయానికి చెవిరెడ్డి కృషి చేశారని, కీలకంగా వ్యవహరించారని కొనియాడారు. ఈ ఎన్నికల్లో వైఎస్సార్ కాంగ్రెస్ పార్టీకి 151 గా ఉన్న సంఖ్యా బలాన్ని చెవిరెడ్డి సమన్వయం చేశారు. కరోనా నేపధ్యంలో పటిష్ట ప్రణాళికతో ఎమ్మెల్యే లందరిని పోలింగ్ కేంద్రానికి రప్పించడం, వాటిలో ఏ ఒక్క ఓటు వృధా కాకుండా చెవిరెడ్డి చర్యలు చేపట్టారు. అంతే కాకుండా తమకు కేటాయించిన అభ్యర్థులకు ఓట్లు వేసేలా ఎమ్మెల్యేలను సమన్వయ పరచడం, నలుగురు అభ్యర్థులకు సమకాలీన ఓట్లు రావడం, వారి ఘన విజయానికి చెవిరెడ్డి కృషి చేశారు. ఈ సందర్భంగా రాష్ట్ర ముఖ్యమంత్రి జగన్మోహన్ రెడ్డి ప్రత్యేకించి చెవిరెడ్డిని అభినందించారు.