“ఎన్టీఆర్ భరోసా పెన్షన్‌తో అర్హుల జీవితాల్లో భరోసా.. ఎలమంచిలిలో ఘనంగా పంపిణీ”

ఎలమంచిలి, జూలై 1 (పున్నమి న్యూస్ రిపోర్టర్ ఆనంద్): రాష్ట్ర ప్రభుత్వం ప్రతిష్ఠాత్మకంగా అమలు చేస్తున్న ఎన్టీఆర్ భరోసా పెన్షన్ పథకం కింద ఎలమంచిలి నియోజకవర్గంలో అర్హులైన లబ్ధిదారులకు పెన్షన్ల పంపిణీ కార్యక్రమం ఘనంగా నిర్వహించారు. ఎలమంచిలి ఎమ్మెల్యే సుందరపు విజయ్‌కుమార్, ఆంధ్రప్రదేశ్ రోడ్ల డెవలప్మెంట్ కార్పొరేషన్ చైర్మన్ ప్రగడ నాగేశ్వరరావు లబ్ధిదారులకు తమ చేతుల మీదుగా కొత్త పెన్షన్లను అందజేసి అభినందనలు తెలిపారు. ఈ సందర్భంగా వారు మాట్లాడుతూ, ప్రజల సంక్షేమమే ప్రభుత్వ ప్రధాన ధ్యేయమని, అర్హత కలిగిన ప్రతి ఒక్కరికీ ఎన్టీఆర్ భరోసా పెన్షన్ అందేలా ప్రభుత్వం ప్రత్యేక చర్యలు చేపడుతోందన్నారు. సంక్షేమ పథకాలు నిజమైన లబ్ధిదారుల వద్దకు చేరేలా పారదర్శకంగా అమలు చేస్తున్నామని పేర్కొన్నారు. ఈ కార్యక్రమంలో జనసేన పార్టీ మండల అధ్యక్షుడు, మాజీ సర్పంచ్ అన్నం బాబ్జి, గొంతు మూర్తి కొండయ్య నాయుడు, కొనగల భాస్కర్, సేరపశెట్టి శ్రీను, కరణం నాగేష్, సేనాపతి కనకరాజు నాయుడు, కూటమి నాయకులు, పార్టీ కార్యకర్తలు, గ్రామ పెద్దలు, అధికారులు, లబ్ధిదారులు పాల్గొన్నారు.