అర్హులందరికీ పింఛన్లు అందించడమే లక్ష్యం

సరండి గ్రామపంచాయతీలో పింఛను దరఖాస్తుల స్వీకరణ.. ప్రజల సమస్యలు తెలుసుకుంటున్న సర్పంచ్‌ మొహార్లే బాపూజీ వాంకిడి, ఆగస్టు 12, 2026: గ్రామీణ ప్రాంతాల్లోని అర్హులైన నిరుపేదలు, వృద్ధులు, వితంతువులు, దివ్యాంగులు, ఒంటరి మహిళలకు ప్రభుత్వ సంక్షేమ పథకాల ప్రయోజనాలు అందేలా చర్యలు తీసుకుంటున్నామని సరండి గ్రామపంచాయతీ సర్పంచ్‌ మొహార్లే బాపూజీ తెలిపారు. వాంకిడి మండలం సరండి గ్రామపంచాయతీ కార్యాలయంలో సర్పంచ్‌ బాపూజీ, పంచాయతీ కార్యదర్శి సోనం కలిసి అర్హులైన ప్రజల నుంచి పింఛను దరఖాస్తులను స్వీకరించారు. దరఖాస్తుదారుల వివరాలను సర్పంచ్‌ స్వయంగా అడిగి తెలుసుకోవడంతో పాటు అవసరమైన ధ్రువపత్రాలను పరిశీలించారు. అర్హులకు సంక్షేమ ఫలాలు చేరాలి ప్రభుత్వ సామాజిక భద్రతా పింఛన్లు నిరుపేద కుటుంబాలకు ఆర్థిక భరోసాగా నిలుస్తున్నాయని సర్పంచ్‌ పేర్కొన్నారు. సరైన సమాచారం లేదా అవసరమైన పత్రాలు లేక అర్హులు పథకాలకు దూరం కాకుండా గ్రామపంచాయతీ స్థాయిలోనే దరఖాస్తులను స్వీకరిస్తున్నట్లు తెలిపారు. పింఛను కోసం వచ్చిన ప్రజల కుటుంబ, ఆర్థిక పరిస్థితులను తెలుసుకుంటూ అర్హతకు సంబంధించిన వివరాలపై అవగాహన కల్పించారు. దరఖాస్తు ప్రక్రియలో ప్రజలకు ఎలాంటి ఇబ్బందులు తలెత్తకుండా పంచాయతీ సిబ్బంది సహకరించాలని సూచించారు. ప్రజలకు అందుబాటులో పాలకవర్గం ఈ సందర్భంగా సర్పంచ్‌ మొహార్లే బాపూజీ మాట్లాడుతూ.. “అర్హత ఉన్న ఏ ఒక్కరూ ప్రభుత్వ సంక్షేమ పథకాలకు దూరం కాకూడదు. నిరుపేదల సంక్షేమం, వృద్ధుల భద్రత, దివ్యాంగుల అభ్యున్నతే మా ప్రధాన లక్ష్యం. అర్హులైన ప్రతి ఒక్కరికీ పింఛను అందేలా గ్రామపంచాయతీ తరఫున పూర్తి సహకారం అందిస్తాం” అని తెలిపారు. గ్రామంలో ప్రభుత్వ పథకాలపై ప్రజలకు అవగాహన కల్పిస్తూ, అర్హులైన ప్రతి కుటుంబానికి సంక్షేమ ఫలాలు చేరేలా కృషి చేస్తామని చెప్పారు. ప్రజలు తమ సమస్యలను గ్రామపంచాయతీ దృష్టికి తీసుకురావాలని, వాటి పరిష్కారానికి పాలకవర్గం కృషి చేస్తుందని తెలిపారు. గ్రామ ప్రజల అభినందనలు పింఛను దరఖాస్తులను స్వయంగా స్వీకరిస్తూ ప్రజలకు సహకరిస్తున్న సర్పంచ్‌ బాపూజీ, కార్యదర్శి సోనం సేవలను గ్రామస్తులు అభినందించారు. ప్రభుత్వ పథకాల ప్రయోజనాలు నిజమైన అర్హులకు చేరేలా గ్రామపంచాయతీ తీసుకుంటున్న చర్యలు అభినందనీయమని పలువురు పేర్కొన్నారు. గ్రామ ప్రజల సహకారంతో సరండి గ్రామపంచాయతీని ఆదర్శ గ్రామంగా తీర్చిదిద్దేందుకు కృషి చేస్తామని సర్పంచ్‌ మొహార్లే బాపూజీ తెలిపారు.